Gujarat Heart Attackથી હજારો મોત, NCRBના આંકડા ચોંકાવનારા

Gujarat News: ગુજરાતમાં હાર્ટ એટેક (Gujarat Heart Attack)ના વધતા કેસો હવે ગંભીર ચિંતાનો વિષય બની રહ્યા છે. નેશનલ ક્રાઇમ રેકોર્ડ્સ બ્યુરો (NCRB) દ્વારા જાહેર કરાયેલા 2024ના તાજા આંકડા અનુસાર, રાજ્યમાં ગયા વર્ષે હાર્ટ એટેકના કારણે કુલ 3,253 લોકોનાં મોત નોંધાયા છે.

દેશભરના આંકડાઓમાં મહારાષ્ટ્ર અને કેરળ બાદ ગુજરાત પણ સૌથી વધુ અસરગ્રસ્ત રાજ્યોમાં સામેલ થયું છે. આરોગ્ય નિષ્ણાતોનું માનવું છે કે બદલાતી જીવનશૈલી, વધતો તણાવ, અનિયમિત ખોરાક અને વ્યાયામનો અભાવ હાર્ટ એટેકના કેસોમાં વધારો કરી રહ્યા છે.

મહારાષ્ટ્ર એકલા 14,874 મૃત્યુ સાથે યાદીમાં ટોચ પર છે. કેરળ 5,015 મૃત્યુ સાથે બીજા ક્રમે છે. ગુજરાતમાં 3,253 મૃત્યુ નોંધાયા છે, અને કર્ણાટકમાં 2,568 મૃત્યુ નોંધાયા છે. મધ્યપ્રદેશમાં 2,115 મૃત્યુ નોંધાયા છે, જ્યારે તમિલનાડુમાં 1,606 અને રાજસ્થાનમાં 1,604 મૃત્યુ નોંધાયા છે. હરિયાણામાં1,564, પંજાબમાં1,050,જ્યારે ઉત્તર પ્રદેશમાં 972 મૃત્યુ સાથે દસમા ક્રમે છે. આ આંકડા દર્શાવે છે કે હૃદયરોગ હવે એક ગંભીર રાષ્ટ્રીય કટોકટી બની ગયો છે.

યુવાનોમાં વધતો ખતરો

ખાસ કરીને 30થી 50 વર્ષની ઉંમરના લોકોમાં હાર્ટ એટેકના કેસ ઝડપથી વધી રહ્યા છે. કામનો તણાવ, લાંબા કલાકો સુધી બેસીને કામ કરવું, જંક ફૂડ અને ઊંઘનો અભાવ દિલની બીમારીઓને આમંત્રણ આપી રહ્યા છે.ડૉક્ટરોનું કહેવું છે કે છાતીમાં દુખાવો, શ્વાસ લેવામાં તકલીફ, અચાનક પરસેવો આવવો, વધારે થાક લાગવો અને હાથ કે જડબામાં દુખાવો જેવા લક્ષણોને ક્યારેય અવગણવા જોઈએ નહીં.

ગુજરાતમાં કેમ વધી રહ્યા છે હાર્ટ એટેક (Gujarat Heart Attack)ના કેસ?

વિશેષજ્ઞોના જણાવ્યા મુજબ, ગુજરાતમાં ડાયાબિટીસ, બ્લડ પ્રેશર અને મોટાપાના કેસોમાં વધારો હાર્ટ એટેક (Gujarat Heart Attack) પાછળનું મુખ્ય કારણ બની રહ્યો છે. સાથે જ ધુમ્રપાન, ફાસ્ટ ફૂડ અને શારીરિક કસરતનો અભાવ પણ જોખમ વધારી રહ્યા છે. શહેરોમાં વધતી ભાગદોડ અને માનસિક તણાવ પણ દિલ પર ખરાબ અસર કરી રહ્યા છે. ઘણા લોકો નિયમિત હેલ્થ ચેકઅપ કરાવતા નથી, જેના કારણે સમસ્યા ગંભીર બનતી જાય છે.