Delhi News: સોમવારે સવારે રાષ્ટ્રીય રાજધાની નવી દિલ્હીમાં અચાનક ગભરાટનો માહોલ સર્જાયો , જ્યારે શહેરના વિવિધ વિસ્તારોમાં આવેલી 9 મોટી સ્કૂલોને બોમ્બથી ઉડાવવા (Bomb Threat)ની ધમકીઓ મળી હતી. સવારે લગભગ 8:30 થી 9:00 વાગ્યાની વચ્ચે એક પછી એક ધમકીભર્યા ફોન કોલ્સ આવતા જ સ્કૂલ પ્રશાસન અને સુરક્ષા એજન્સીઓ તરત જ એલર્ટ મોડમાં આવી ગઈ હતી.

માહિતી  (Bomb Threat) મળતાની સાથે પોલીસ-બોમ્બ સ્ક્વોડ દોડી આવ્યું

ધમકીની જાણ થતાં જ સંબંધિત શાળાઓએ વિલંબ કર્યા વિના  (Bomb Threat)દિલ્હી પોલીસને માહિતી આપી હતી. માહિતી મળતાની સાથે જ દિલ્હી પોલીસ, ફાયર બ્રિગેડ, બોમ્બ ડિસ્પોઝલ સ્ક્વોડ અને ડોગ સ્ક્વોડની ટીમો સ્કૂલોમાં પહોંચી ગઈ હતી. શાળા પરિસરની ઘનિષ્ઠ તપાસ શરૂ કરવામાં આવી હતી અને દરેક ખૂણે સુરક્ષા વ્યવસ્થા મજબૂત બનાવવામાં આવી હતી.

વિદ્યાર્થીઓને સલામત સ્થળે ખસેડાયા

ધમકીને ગંભીરતાથી લેતા, શાળા પ્રશાસન દ્વારા વિદ્યાર્થીઓને તરત જ વર્ગખંડોમાંથી બહાર કાઢવામાં આવ્યા હતા. બાળકોને ખુલ્લા મેદાન અથવા નજીકના સુરક્ષિત સ્થળોએ લઈ જવામાં આવ્યા હતા. અનેક શાળાઓએ તાત્કાલિક રજા જાહેર કરી હતી અને વાલીઓને પણ ફોન અને મેસેજ દ્વારા જાણ કરવામાં આવી હતી. વાલીઓ મોટી સંખ્યામાં શાળાએ પહોંચતા વાતાવરણ વધુ તણાવપૂર્ણ બન્યું હતું.

અત્યાર સુધી કોઈ શંકાસ્પદ વસ્તુ મળી નથી

પોલીસ દ્વારા કરવામાં આવેલી પ્રાથમિક તપાસમાં અત્યાર સુધી કોઈ પણ શાળા પરિસરમાંથી શંકાસ્પદ વસ્તુ કે વિસ્ફોટક (Bomb Threat)સામગ્રી મળી આવી નથી. તેમ છતાં, દિલ્હી પોલીસ આ ઘટનાને નકલી કોલ તરીકે હળવાશથી લઈ રહી નથી. દરેક સંભવિત એંગલથી તપાસ કરવામાં આવી રહી છે અને કોઈ પણ પ્રકારની બેદરકારી રાખવામાં આવી નથી.

સાયબર સેલ દ્વારા કોલ્સની તપાસ શરૂ

દિલ્હી પોલીસના અધિકારીઓએ જણાવ્યું હતું કે ધમકીભર્યા કોલ્સના સ્ત્રોત અને કોલ કરનાર વ્યક્તિની ઓળખ કરવા માટે સાયબર સેલ અને ટેકનિકલ ટીમોને કામે લગાવવામાં આવી છે. કોલ કયા નેટવર્ક પરથી આવ્યા, કયા સ્થળેથી કોલ કરવામાં આવ્યો અને પાછળ કોઈ સંગઠન તો નથી ને તે તમામ મુદ્દાઓની તપાસ ચાલી રહી છે.

આ પણ વાંચો:ચંડીગઢમાં 25થી વધુ સ્કૂલોને બોમ્બથી ઉડાવી દેવાની ધમકી, ઈમેલ મળતા જ પોલીસ દોડતી થઈ, વાલીઓમાં ફફડાટ

આ પણ વાંચો:બોમ્બની ધમકી બાદ 181 મુસાફરો પાસેથી ટિશ્યુ પર 36 વખત લખાવાયું, હવે અક્ષરોની થશે ફોરેન્સિક તપાસ

આ પણ વાંચો:અમદાવાદ એરપોર્ટ બાદ ગ્રામ્ય કોર્ટને બોમ્બની ધમકી, શહેરમાં ભયનો માહોલ