દિગ્ગજ અભિનેતા દિલીપ કુમારના નિધનને કારણે ચાહકો અને સેલેબ્સમાં શોક છવાઈ ગયો છે. દિલીપ કુમાર સાથે ફિલ્મ ઉદ્યોગનો એક યુગ પૂરો થયો છે. દિલીપ કુમારના અવસાન પછી સેલેબ્સ સોશિયલ મીડિયા પર અભિનેતા સાથે તેમની જૂની યાદોને શેર કરી રહ્યા છે. સિંગર લતા મંગેશકર દિલીપ કુમારને તેમનો ભાઈ માનતા હતા. લતા મંગેશકરને તેમના ભાઇના દુનિયામાંથી વિદાય થતાં ભારે દુ:ખ થયું છે.
લતા મંગેશકરે દિલીપ કુમાર સાથે તેની જૂની તસવીરો શેર કરી છે. એક ફોટામાં લતા દિલીપ કુમારને રાખડી બાંધતી જોવા મળી રહ્યા છે. આ ફોટો ખૂબ જ સુંદર છે, જે ભાઈ-બહેન પ્રેમનું પ્રતીક છે. જ્યારે રાખડી બાંધતી વખતે લતા હસી રહ્યા છે ત્યારે દિલીપ કુમાર પણ બહેનને રાખડી બંધાવતા ખુશ દેખાઈ રહ્યા છે. બીજા ફોટામાં દિલીપ કુમાર લતાને લાડ લડાવતા અથવા પ્રશંસા કરતા જોવા મળી રહ્યા છે. ત્રીજો ફોટો કોલાજ ફોટો છે. જેમાં દિલીપ કુમાર અને લતાનું બોન્ડ સ્પષ્ટ દેખાઈ રહ્યું છે. તસવીરમાં સાયરા બાનુ પણ જોવા મળી રહ્યા છે. આ ક્ષણો જોતાં એવું અનુભવાય છે કે દિલીપ કુમારના વિદાયથી લતાના જીવનમાં ખાલીપન આવી ગયું હશે.
આ પણ વાંચો :સાયરાબાનુંને સાંત્વના પાઠવતા શાહરૂખની ભાવનાત્મક ક્ષણની તસવીર સામે આવી
દિલીપ કુમારને યાદ કરીને લતા મંગેશકરે ટ્વીટ કરીને કહ્યું, ‘યૂસુફ ભાઈ આજે પોતાની નાની બહેનને છોડીને ચાલ્યા ગયા… યૂસુફ ભાઈ શું ગયા અને એક યુગનો અંત થઈ ગયો. મને કાંઈ સમજમાં આવી રહ્યું નથી. બોલવા માટે શબ્દો નથી. અનેક યાદો છોડીને જતા રહ્યા’
લતાજીએ આગળ લખ્યુ હતુ કે, યુસુફ ભાઈ છેલ્લા કેટલાક વર્ષોથી બીમાર હતા, કોઈને ઓળખી શકતા નહોતા,આવા સમયે સાયરા ભાભીએ બધુ છોડીને તેમની દિવસ રાત સેવા કરી છે.તેમના માટે તેનાથી આગળ જીવન નહોતુ.આ મહિલાને હું પ્રણામ કરુ છું અને યુસુફ ભાઈના આત્મને શાંતિ મળે તે માટે હું દુઆ કરુ છું.
આ પણ વાંચો : દિલીપ કુમારને અંતિમ વખત જોવા પહોંચી 86 વર્ષની મહિલા ફેન, ન મળી મંજૂરી
દિલીપ કુમારના નિધન પર માત્ર ફિલ્મ હસ્તીઓ જ નહીં પરંતુ રાજકીય હસ્તીઓ પણ શોક વ્યક્ત કરી છે. પાકિસ્તાનમાં પણ દિલીપ કુમારના મોતથી તેના ચાહકો અને ચાહકો દુ:ખ છે. દિલીપ કુમારનું વ્યક્તિત્વ હતું કે દેશ જ નહીં પરંતુ વિશ્વના સિને-પ્રેમીઓ પણ આ ભારતીય કલાકારના વિદાય પર શોક વ્યક્ત કરી રહ્યા છે.
આ પણ વાંચો :દિલીપ કુમારના નિધનથી શોકમાં ડૂબ્યું પાકિસ્તાન, આ રીતે વ્યક્ત કર્યો શોક
