Gandhinagar News: ભાજપના રાષ્ટ્રીય અધ્યક્ષ જેપી નડ્ડા અમદાવાદ આવી પહોંચ્યા છે. તેમનું સ્વાગત પ્રદેશ ભાજપ પ્રમુખ જગદીશ વિશ્વકર્મા દ્વારા કરવામાં આવ્યું હતું. ત્યારબાદ તેઓ ગાંધીનગર સર્કિટ હાઉસ ગયા. જગદીશ વિશ્વકર્મા એક ખાનગી કારમાં જોવા મળ્યા હતા. સહકારી મંત્રી પદેથી રાજીનામું આપ્યા બાદ, તેમણે તેમની સરકારી કાર પરત કરી. કેબિનેટ રચના અને પસંદગી અંગે જેપી નડ્ડા, જગદીશ વિશ્વકર્મા અને મુખ્યમંત્રી વચ્ચે રાત્રે 8 કે 9 વાગ્યે મુખ્યમંત્રી નિવાસસ્થાને બેઠક યોજાશે.
ગાંધીનગરમાં ધારાસભ્ય નિવાસસ્થાને ધારાસભ્યોનો મેળાવડો ચાલી રહ્યો છે. એક પછી એક ધારાસભ્યો આવી રહ્યા છે. બધા ધારાસભ્યોને ગાંધીનગરમાં હાજર રહેવા સૂચના આપવામાં આવી છે. ધારાસભ્યોએ વિગતો પર ટિપ્પણી કરવાનું ટાળ્યું છે.
મંત્રીમંડળના વિસ્તરણ અંગે ચર્ચાઓ વચ્ચે, ગાંધીનગરમાં ડિનર ડિપ્લોમસી યોજાશે. મુખ્યમંત્રી નિવાસસ્થાને ડિનરનું આયોજન કરવામાં આવ્યું છે. જેપી નડ્ડા, સુનીલ બંસલ અને મુખ્યમંત્રી ભૂપેન્દ્ર પટેલ ત્યાં ડિનર લેશે. આ ડિનર દરમિયાન કેબિનેટ વિસ્તરણને અંતિમ સ્વરૂપ આપવામાં આવશે.
જૂનાગઢ અને ગાંધીનગર સિવાય, અમદાવાદ, વડોદરા, સુરત અને રાજકોટ સહિત નવા મ્યુનિસિપલ કોર્પોરેશનોમાં ચૂંટણીઓ યોજાશે. ગુજરાતમાં, ગ્રામીણ વિસ્તારો કરતાં શહેરી વિસ્તારોમાં ભાજપ વધુ મજબૂત રહ્યો છે, અને તેથી, તે આ ચૂંટણીઓમાં કોઈ નુકસાન ટાળવા માંગે છે. ગુજરાતમાં આ ફેરફાર રવિવારે નવી દિલ્હીમાં રાજ્યના નેતાઓ અને પીએમ મોદી વચ્ચેની બેઠક દરમિયાન અંતિમ સ્વરૂપ આપવામાં આવ્યું હતું. ભાજપે રાજ્ય સરકારમાં સીઆર પાટિલને બદલીને જગદીશ વિશ્વકર્માને વડા પ્રધાન બનાવ્યા, જેઓ ભૂપેન્દ્ર પટેલ સરકારમાં સહકાર મંત્રી પણ હતા.
મધ્ય ગુજરાત (વડોદરા સહિત) : ભાજપના 47માંથી 44 ધારાસભ્યો મધ્ય ગુજરાતમાં છે. 5 થી 6 મંત્રીઓનો અહીંથી સમાવેશ થઈ શકે છે. અહીં મુખ્યત્વે 1 લેઉવા પટેલ, 1 બ્રાહ્મણ અથવા SC, 1ક્ષત્રિય, 2 OBC અને 1અનુસૂચિત જનજાતિ (ST) ના પ્રતિનિધિઓને સ્થાન આપીને તમામ સમાજને ખુશ રાખવાનો પ્રયાસ કરાઈ શકે છે.પાટીદાર સમાજનું વર્ચસ્વ ભાજપના નવા મંત્રીમંડળની રચનામાં તો જળવાઈ રહેશે પરંતુ તેની સાથે ST,SC અને OBC સમુદાયોને પણ પૂરતું પ્રતિનિધિત્વ મળે તેવો વ્યૂહ અપનાવાયો છે.
પાટીદાર કાર્ડ : લેઉવા પટેલ અને કડવા પટેલ બંનેને પૂરતું મહત્ત્વ અપાય તેવી પૂરી સંભાવના છે. 4 પાટીદારોને માત્ર સૌરાષ્ટ્રમાંથી જ મંત્રીપદ મળી શકે છે. દક્ષિણ અને મધ્ય ગુજરાતમાં પણ લેઉવા પટેલને સ્થાન મળે તેવી શક્યતા છે. આ પાટીદાર બહુમતીને સરકારના મુખ્ય આધારસ્તંભ તરીકે પ્રસ્થાપિત કરે છે.OBCને અગ્રતાક્રમ અપાશે : બક્ષીપંચ (OBC) સમુદાયને સત્તામાં સંતુલન માટે સૌથી વધુ ધ્યાન આપે તેવી પૂરી સંભાવના છે. સૌરાષ્ટ્રમાં કોળી અને આહિર, ઉત્તર ગુજરાતમાં ઠાકોર અને મધ્ય ગુજરાતમાં અન્ય OBC ચહેરાઓને સ્થાન આપીને વિશાળ OBC વોટ બેન્કને સાચવવાનો સ્પષ્ટ સંદેશ નેતાઓમાં જાય તેવી સંભાવના છે.
દક્ષિણ ગુજરાત (સુરત સહિત): 27માંથી 26 બેઠકો જીતનાર દક્ષિણ ગુજરાતને 4થી 5 મંત્રીપદ મળી શકે છે. અહીં બ્રાહ્મણ-જૈન-અનાવિલ ,લેઉવા પટેલ, ST, અને કોળી-OBC ના મિશ્ર પ્રતિનિધિત્વ પર ભાર મુકાય તેવી પૂરી સંભાવના છે.
ઉત્તર ગુજરાત (અમદાવાદ સહિત): 53 માંથી 43 બેઠકો મેળવનાર ઉત્તર ગુજરાતમાંથી મુખ્યમંત્રી સિવાય ચાર મંત્રીઓ બની શકે છે. જેમાં ઠાકોર-OBC, કડવા પટેલ, અને ST પ્રતિનિધિઓનો સમાવેશ કરીને ઉત્તર ગુજરાતના સંવેદનશીલ જ્ઞાતિ સમીકરણોને સાચવવાનો પ્રયાસ છે. હાલના મુખ્યમંત્રી પણ અમદાવાદથી છે અને પ્રદેશ પ્રમુખ પણ અમદાવાદના છે.
કચ્છ: 6માંથી 6 બેઠકો જીતનાર કચ્છમાંથી સંભવતઃ એક મંત્રીને સ્થાન મળી શકે છે, જે પ્રાદેશિક ન્યાયનો ભાગ છે.
ભાજપ નવા મંત્રીમંડળના વિસ્તરણમાં સાબિત કરશે કે વિજય ભલે ભવ્ય હોય, પણ સત્તાની વહેંચણીમાં કોઈ વર્ગ કે વિસ્તારને અન્યાય ન થાય તેનું ધ્યાન રખાયું છે. 8માંથી 1 ધારાસભ્યને મંત્રી બનાવવાનું આ સૂક્ષ્મ ગણિત માત્ર સંખ્યાનું નથી પણ ગુજરાતની જ્ઞાતિ અને પ્રદેશ આધારિત રાજનીતિમાં સૌનો સાથ, સૌનો વિકાસ ના મંત્રને જાળવી રાખવાનો એક સફળ રાજકીય વ્યૂહ છે.
આ નવું મંત્રીમંડળ આગામી પાંચ વર્ષ માટે રાજ્યના રાજકારણ અને વિકાસની દિશા નક્કી કરશે. હવે કાલે કેવા સમીકરણો રચાય છે એ તો સમય બતાવશે પણ ગુજરાતમાં મોટા નેતાઓના આગમન શરૂ થઈ ગયા છે. ગાંધીનગરમાં મહાત્મામંદિરમાં મોટાપાયે તૈયારીઓ શરૂ કરાઈ છે.
આ પણ વાંચો:ભાજપના દર આઠમાં ધારાસભ્યે એકને મળશે મંત્રીપદ, ભાજપનું માસ્ટર પ્લાનીંગ જાણો
આ પણ વાંચો:મુખ્યમંત્રીના નિવાસ સ્થાને બેઠકમાં મંત્રીઓના રાજીનામા સ્વીકારવામાં આવ્યા
આ પણ વાંચો:અડધા મંત્રીઓને વિદાય, નાયબ મુખ્યમંત્રીની રેસમાં સંઘવી અને હળપતિ
