મુંબઈ, મહારાષ્ટ્રમાં ડ્રગ્સ સિન્ડિકેટનો પર્દાફાશ થયો છે. આફ્રિકન નાગરિક સહિત 3 લોકોની ધરપકડ કરવામાં આવી છે. આ સાથે 20 કરોડ રૂપિયાનું કોકેઈન પણ જપ્ત કરવામાં આવ્યું છે. તેનું વજન 1970 ગ્રામ હોવાનો દાવો કરવામાં આવે છે. આદિસ અબાબાથી મુંબઈ જઈ રહેલા આ મુસાફરોની એરપોર્ટ પરથી ધરપકડ કરવામાં આવી છે. હાલ વધુ તપાસ ચાલી રહી છે. ન્યૂઝ એજન્સી ANI અનુસાર, આ મુસાફરે પોતાની બેગમાં સફેદ રંગનો પાવડર રાખ્યો હતો. આ ઘટનાનો એક વીડિયો પણ સામે આવ્યો છે. ડિરેક્ટોરેટ ઓફ રેવન્યુ ઈન્ટેલિજન્સ (DRI)એ સમગ્ર મામલાની માહિતી આપી છે. અગાઉ 20 માર્ચે મુંબઈ એરપોર્ટ પર કાર્યવાહી કરતી વખતે DRIએ લગભગ 70 કરોડ રૂપિયાનું હેરોઈન જપ્ત કર્યું હતું.
Maharashtra | A drug syndicate was busted with the arrest of 3 persons including an African national. 1970 gms of white powder purported to be Cocaine worth approx. Rs 20 cr seized from the possession of a male passenger (35), who arrived from Addis Ababa to Mumbai airport.… pic.twitter.com/QGHT2gTDJ9
— ANI (@ANI) April 5, 2023
માર્ચ મહિનામાં, એક બાતમી મળી હતી કે અદીસ અબાબાથી મુંબઈ જતો એક મુસાફર ભારતમાં માદક દ્રવ્યોની દાણચોરી કરી રહ્યો છે, જેના પગલે DRI, MZU ના અધિકારીઓની ટીમે મુંબઈ એરપોર્ટ પર નજર રાખી હતી. 19 માર્ચની સવારે, ડીઆરઆઈ અધિકારીઓની એક ટીમે શંકાસ્પદ મુસાફરને અટકાવ્યો હતો અને યાત્રીના સામાનની સંપૂર્ણ તપાસ હાથ ધરવામાં આવી હતી. આ પછી યાત્રીના સામાનમાં છુપાયેલું 9.97 કિલો હેરોઈન મળી આવ્યું હતું. જેની કિંમત અંદાજે 70 કરોડ જેટલી હતી.
પૂછપરછ દરમિયાન, મુસાફરે ખુલાસો કર્યો હતો કે તેણે મુંબઈની એક હોટલમાં ટ્રોલી બેગ એક વ્યક્તિને સોંપવી હતી. ડ્રગ્સની ડિલિવરી લેનાર વ્યક્તિને પકડવા માટે છટકું ગોઠવવામાં આવ્યું હતું. ત્યારબાદ અધિકારીઓ એક નાઇજિરિયન નાગરિકને પકડવામાં સક્ષમ હતા જે ડિલિવરી લેવા માટે હોટેલમાં આવ્યા હતા. નાઈજિરિયન નાગરિકના ઘરેથી થોડી માત્રામાં કોકેઈન અને હેરોઈન મળી આવ્યા હતા. અધિકારીઓએ બાદમાં બંને સામે નાર્કોટિક ડ્રગ્સ એન્ડ સાયકોટ્રોપિક સબસ્ટન્સ (NDPS) એક્ટ હેઠળ ગુનો નોંધ્યો હતો, જેમને DRI કસ્ટડીમાં મોકલવામાં આવ્યા હતા
