Mumbai News: કોલકાતાની ઘટના બાદ દેશભરમાં આક્રોશ જોવા મળી રહ્યો છે અને લોકો પોતાની સુરક્ષાની માંગ કરી રહ્યા છે. તો આ દરમિયાન મુંબઈની સાયન હોસ્પિટલમાં એક મહિલા ડોક્ટર પર હુમલાની ઘટના સામે આવી છે. કેટલાક નશામાં ધૂત લોકોએ હોસ્પિટલના ડોક્ટર પર હુમલો કર્યો. જેમાં ડોક્ટરને શારીરિક ઈજાઓ થઈ છે. મુંબઈમાં રવિવારે સવારે આ ઘટના બની હતી. જ્યારે પાંચથી છ લોકોએ રેસિડેન્ટ ડોક્ટર પર હુમલો કર્યો હતો. આ ઘટના સવારે 3.30 વાગ્યાની આસપાસ બની હતી, જ્યારે ડોક્ટર સયાન હોસ્પિટલના વોર્ડમાં ફરજ પર હતા.
પ્રત્યક્ષદર્શીઓ પાસેથી મળેલી વિગતો મુજબ પાંચથી છ લોકોનું ટોળું ઘાયલ વ્યક્તિને લઈને હોસ્પિટલ પહોંચ્યું હતું. જેમાં વ્યક્તિના ચહેરા પર ઈજા થઈ હતી. જ્યારે દર્દી હોસ્પિટલ પહોંચ્યો અને તેની સારવાર કરવામાં આવી રહી હતી, ત્યારે તેના એટેન્ડન્ટ્સે મહિલા ડોક્ટરને અપશબ્દો અને ધમકીઓ આપવાનું શરૂ કર્યું.
Mumbai: Crowd outside Sion Hospital as resident doctors across Maharashtra are on strike after recent incidents of violence against doctors pic.twitter.com/1yo9GrkCvA
— ANI (@ANI) March 20, 2017
ડોક્ટર પર પણ કથિત રીતે શારીરિક હુમલો કરવામાં આવ્યો હતો, જેમાં તેણીને પોતાને બચાવવાનો પ્રયાસ કરતી વખતે ઈજા થઈ હતી. મહિલા ડોક્ટર હાલમાં સાયન પોલીસ સ્ટેશનમાં છે, જ્યાં તે પોતાનું નિવેદન આપી રહી છે અને એફઆઈઆર નોંધવામાં આવી રહી છે.
આ પણ વાંચો: મહિલા રેસિડેન્ટ ડોક્ટર સાથે બળાત્કાર અને હત્યા કેસમાં CBIએ શરૂ કરી તપાસ, પૂછપરછ માટે આરોપીની લઈ ગઈ ઓફિસ
આ પણ વાંચો:કોલકાતા મહિલા ડોક્ટર કેસમાં આવતીકાલથી ત્રણ દિવસની હડતાળ
