મની લોન્ડરિંગ કેસમાં સુપરસ્ટાર મોહનલાલની મુસીબતોમાં વધારો થતો જોવા મળી રહ્યો છે. એન્ફોર્સમેન્ટ ડિરેક્ટોરેટ (ED) દ્વારા તેમને સમન્સ મોકલવામાં આવ્યા છે. રિપોર્ટ અનુસાર મોહનલાલને આવતા અઠવાડિયે કોચીમાં EDની ઓફિસમાં હાજર થવા માટે કહેવામાં આવ્યું છે. એવું માનવામાં આવે છે કે ત્યાંના અધિકારીઓ ફ્રોડ મોન્સન માવુંકલના મની લોન્ડરિંગ કેસમાં તેની પૂછપરછ કરશે. ગયા વર્ષે સપ્ટેમ્બરમાં કેરળ પોલીસે મોન્સનની ધરપકડ કરી હતી અને લોકોને 10 કરોડ રૂપિયાની છેતરપિંડી કરવાના આરોપમાં ધરપકડ કરી હતી. રિપોર્ટ અનુસાર, મોહનલાલ એકવાર કેરળમાં મોન્સનના ઘરે ગયા હતા પરંતુ તેમની મુલાકાતનું કારણ જાણી શકાયું નથી.
કેરળ પોલીસે નકલી પ્રાચીન વસ્તુઓ વેચીને કરોડો રૂપિયાની છેતરપિંડી કરવા બદલ 52 વર્ષીય યુટ્યુબર મોન્સનની ધરપકડ કરી હતી. ઘણા વર્ષો સુધી તેણે ઢોંગ કર્યો કે તેની પાસે જૂની કલાકૃતિઓ અને અવશેષોનો સંગ્રહ છે. મોન્સને દાવો કર્યો હતો કે તેની પાસે ટીપુ સુલતાનનું સિંહાસન, ઔરંગઝેબની વીંટી, શિવાજીની ભગવદ ગીતાની નકલ અન્ય વસ્તુઓની સાથે છે. તપાસ અધિકારીઓને તેનો દાવો ખોટો હોવાનું જણાયું હતું.
મોહનલાલ મુખ્યત્વે મલયાલમ સિનેમામાં કામ કરે છે. અભિનેતા હોવા ઉપરાંત, તે નિર્માતા, ગાયક અને હોસ્ટ પણ છે. મોહનલાલે તમિલ, તેલુગુ, હિન્દી અને કન્નડ ભાષાઓમાં પણ કામ કર્યું છે. તેણે પોતાના કરિયરમાં 400 થી વધુ ફિલ્મોમાં કામ કર્યું છે. મોહનલાલ ટીવી પર મલયાલમ ‘બિગ બોસ’ હોસ્ટ કરે છે.
