2 વર્ષથી દેશ કોરોનાના પડછાયા હેઠળ તેનો પ્રજાસત્તાક દિવસ ઉજવી રહ્યો હતો. પરંતુ આ વખતે ધામધૂમથી ઉજવણીની તૈયારીઓ કરવામાં આવી રહી છે. દર વખતે પ્રજાસત્તાક દિવસે વિદેશી રાષ્ટ્રના રાષ્ટ્રપતિને મુખ્ય અતિથિ તરીકે બોલાવવામાં આવે છે. આ વખતે ઈજિપ્તના રાષ્ટ્રપતિ મુખ્ય અતિથિ તરીકે ગણતંત્ર દિવસની ઉજવણીમાં હાજરી આપશે.
ભારતીય વિદેશ મંત્રાલય દ્વારા જણાવવામાં આવ્યું હતું કે ઈજિપ્તના રાષ્ટ્રપતિ અબ્દેલ ફતહ અલ સીસી પ્રજાસત્તાક દિવસ 2023 પર વિદેશી મહેમાન હશે. વડાપ્રધાન નરેન્દ્ર મોદી દ્વારા અલ-સીસીને મોકલવામાં આવેલ ઔપચારિક આમંત્રણ 16 ઓક્ટોબરે વિદેશ મંત્રી એસ જયશંકર દ્વારા તેમને સોંપવામાં આવ્યું હતું. બંને દેશો આ વર્ષે તેમના રાજદ્વારી સંબંધોની 75મી વર્ષગાંઠની ઉજવણી કરી રહ્યા છે.
ભારતીય વિદેશ મંત્રાલય દ્વારા જારી કરવામાં આવેલા એક નિવેદનમાં કહેવામાં આવ્યું છે કે, 2022-23માં જી-20ની ભારતની અધ્યક્ષતા દરમિયાન ઈજિપ્તને મહેમાન દેશ તરીકે આમંત્રણ આપવામાં આવ્યું છે. તેમાં કહેવામાં આવ્યું છે કે, “ભારત અને ઈજિપ્ત સંસ્કૃતિ અને લોકો વચ્ચેના ગાઢ સંબંધો પર આધારિત મૈત્રીપૂર્ણ સંબંધોનો આનંદ માણે છે.”
જણાવી દઈએ કે, પ્રજાસત્તાક દિવસે વિદેશી મહેમાનોને બોલાવવાની પરંપરા રહી છે. વર્ષ 2021 માં, તત્કાલિન બ્રિટિશ વડાપ્રધાન બોરિસ જોન્સનને મુખ્ય અતિથિ તરીકે આમંત્રિત કરવામાં આવ્યા હતા, પરંતુ તેમણે ત્યાં કોવિડ -19 ના વધતા કેસોને કારણે તેમની મુલાકાત રદ કરી હતી. આ વર્ષે ભારતે પાંચ મધ્ય એશિયાઈ પ્રજાસત્તાકના નેતાઓને ગણતંત્ર દિવસની ઉજવણી માટે આમંત્રણ આપ્યું હતું. જ્યારે વર્ષ 2020માં બ્રાઝિલના તત્કાલિન રાષ્ટ્રપતિ જેયર બોલ્સોનારો મુખ્ય અતિથિ હતા. અગાઉ વર્ષ 2015માં તત્કાલિન રાષ્ટ્રપતિ બરાક ઓબામાએ પ્રજાસત્તાક દિવસના કાર્યક્રમની પ્રોફાઇલ વધારી હતી.
આ પણ વાંચો:ગુજરાતના તમામ જિલ્લાઓમાં Jio Tarue 5G સેવાઓ મેળવનાર પ્રથમ રાજ્ય બન્યું
આ પણ વાંચો:ભાજપ આવતીકાલે જાહેર કરશે મેનીફેસ્ટો, વચનોની થશે લહાણી!
આ પણ વાંચો:પ્રથમ વન-ડેમાં ભારતે ન્યૂઝીલેન્ડને આપ્યો 307 રનનો
