મુંબઈ
બોલીવુડની એક્ટ્રેસ કેટરીના કૈફની બહેન ઇશાબેલ કૈફ ફિલ્મ ‘ટાઇમ ટુ ડાન્સ’થી બોલીવુડમાં કેમિયો કરી રહી છે. આ એક ડાન્સ પર આધારિત ફિલ્મ છે. આ ફિલ્મને રેમો ડિસુઝા અને ભૂષણ કુમાર પ્રોડ્યુસર છે અને ફિલ્મમાં મુખ્ય ભૂમિકા સૂરજ પંચોલીની છે.
માહિતી મળી હતી કે આ ફિલ્મમાં સલમાન ખાન પણ કેમિયો કરવાના છે. પરંતુ હાલ સલમાન તેમની આવનારી ફિલ્મ ‘ભારત’ અને ‘દબંગ-3’માં ફોકસ કરવા માંગે છે. સલમાનની આં બંને ફિલ્મો 2019માં જ રીલીઝ કરવામાં આવશે તેવી સંભાવના છે. જો કે સલમાન તેમની ફિલ્મ ‘રેસ-3’ બાદ તેઓ ફિલ્મ ભારતની તૈયારીઓમાં લાગી જશે.
આપને જણાવી દઈએ કે ફિલ્મ ટાઇમ ટુ ડાન્સએ ઇશાબેલ માટે ઘણી મોટી ફિલ્મ સાબિત થશે. આ ફિલ્મને નિર્દેશક સ્ટેનલી ડીકોસ્ટા કરી રહ્યા છે. આ ફિલ્મ માટે ઇશાબેલએ ઘણી તૈયારીઓ કરી છે અને તેઓએ ઘણા ડાન્સ ફોમ પણ શીખ્યા છે. ફિલ્મ ટાઇમ ટુ ડાન્સમાં સૂરજ પંચોલીનો રોલ સ્ટ્રીટ ડાન્સરના રૂપમાં જોવા મળશે. આ ફિલ્મ 2018ના અંત સુધી રીલીઝ કરવામાં આવી શકે છે.