મુંબઈ
અભિનેત્રી પરિણીતી ચોપડા એક બાદ એક ફિલ્મો કરી રહી છે. તે અત્યારે ‘નમસ્તે ઈંગ્લેન્ડ’ અને સંદિપ ઔર પિંકી ફરાર ઉપરાંત સિદ્ધાર્થ મલ્હોત્રા સાથે ‘જબરીયા જોડી’માં પણ નજરે પડશે. ત્યારે આ ફિલ્મનું પ્રથમ પોસ્ટર લોન્ચ કરી દેવાયુ છે. આશરે 4 વર્ષ બાદ પરિણીતી અને સિદ્ધાર્થની જોડી ફરી એકવાર રુપેરી પડદે દર્શકોને જોવા મળશે.
પ્રશાંત સિંહના ડાયરેક્શનમાં બની રહેલ ફિલ્મ ‘જબરીયા જોડી’નું પ્રથમ પોસ્ટરક ખૂબ જ રોમાંચક છે. ‘જબરીયા જોડી’ના પોસ્ટરમાં પરિણીતી અને સિદ્ધાર્થ એક બેભાન પડેલ વરરાજા સાથે સેલ્ફી લેતા દેખાઈ રહ્યા છે. પોસ્ટરમાં બન્ને વચ્ચે ખૂબ જ દમદાર કેમેસ્ટ્રી દેખાય રહી છે, જાણે કે તેઓ એકબીજાના પ્રેમમાં પાગલ હોય તે પોસ્ટર પરથી લાગી રહ્યુ છે.
આ ફિલ્મ બિહારમાં યુવકને ઉઠાવી લઈ તેની જબરદસ્તી લગ્ન કરાવવા પર આધારીત છે. આપને જણાવી દઈએ કે, આ ફિલ્મનુ નામ પહેલા ‘શોટગન શાદી’ રાખવામાં આવ્યુ હતું, જોકે ત્યારબાદ તેને બદલીને ‘જબરીયા જોડી’ કરી દેવાયુ છે.
