મુંબઈ
બોલીવુડ અભિનેત્રી નેહા ધૂપિયા ટૂંક સમયમાં જ એક બાળકને જન્મ આપવાની છે અને તે હાલ પોતાના પ્રેગનેન્સી પીરિયડને ખૂબ જ એન્જાય પણ કરી રહી છે. તે મોટાભાગે પોતાના મિત્રો સાથે પાર્ટી કરતી કે પછી પતિ અંગદ બેદી સાથે ઈવેન્ટ એટેન્ડ કરતી નજરે પડે છે.
હાલમાં જ નેહા ધૂપિયા મુંબઈમાં સ્થિત એક ગુરુદ્વારામાં પહોંચી હતી. આ દરમિયાન તેની સાથે તેનો પતિ અંગદ બેદી પણ હાજર હતો. નેહાએ પ્રસંગે સફેદ કલરનો કોટન ડ્રેસ પહેર્યો હતો, જેમાં તે ખૂબ જ સુંદર લાગી રહી હતી, પરંતુ તેને શું ખબર હતી કે કેટલાક લોકો તેના આ પહેરવેશને લઈ વિરોધ નોંધાવશે અને તેને સોશિયલ મીડિયા પર ટ્રોલર કરી દેશે.
નેહા ધૂપિયાએ પહેરેલ આ ડ્રેસમાં તેના પગ સ્પષ્ટ રીતે જોઈ શકાતા હતા અને કદાચ કેટલાક લોકોને આ પસંદ ન પડ્યુ.નેહા ધૂપિયાએ ગુરુદ્વારા જતા સમયના ફોટો સોશિયલ મીડિયા પર અપલોડ કરતા કેટલાક લોકોએ તેના આ પહેરવેશને લઈ તેને ટ્રોલ કરી. જાકે, નેહાએ આ ટ્રોલર્સને જવાબ આપવાનુ ટાળ્યુ હતું. મહત્વનુ છે કે, પ્રેગનેન્સીના આ સ્ટેજ પર નેહા ખૂબ જ એક્ટિવ છે અને અન્ય લોકો માટે એક દાખલો બેસાડી રહી છે.