જયા બચ્ચન 74 વર્ષની થઈ ગઈ છે. 9 એપ્રિલ, 1948ના રોજ જબલપુરમાં એક બંગાળી પરિવારમાં જન્મેલી જયા બચ્ચને માત્ર 15 વર્ષની ઉંમરે સત્યજીત રેની ફિલ્મ ‘મહાનગર’થી પોતાના કરિયરની શરૂઆત કરી હતી. જોકે, હિરોઈન તરીકે તેની પહેલી ફિલ્મ ‘ગુડ્ડી’ છે, જે 1971માં રિલીઝ થઈ હતી. પોતાની કારકિર્દીમાં એકથી વધુ સુપરહિટ ફિલ્મો આપનાર જયા બચ્ચને 1973માં અમિતાભ બચ્ચન સાથે લગ્ન કર્યા હતા. તેમના લગ્નને 48 વર્ષ વીતી ગયા છે, પરંતુ તેમની વચ્ચેનો પ્રેમ સહેજ પણ ઓછો થયો નથી.
થોડા મહિનાઓ પહેલા જ પોતાના લગ્ન અને પત્ની જયા બચ્ચન વિશે વાત કરતા અમિતાભ બચ્ચને કહ્યું હતું કે લગ્નના આટલા વર્ષો પછી પણ તેમને ઘણીવાર તેમની પત્ની એક વાત માટે ઠપકો આપે છે.
કેબીસીના સેટ પર અમિતાભ બચ્ચને પત્ની જયા બચ્ચન સાથે જોડાયેલો મોટો ખુલાસો કર્યો છે. હકીકતમાં, KBCની સીઝન 11માં ઉત્તરાખંડના સ્પર્ધક સુમિત તડિયાલે બિગ બીને તેમના લગ્ન જીવન વિશે કેટલાક રમુજી પ્રશ્નો પૂછ્યા હતા.
સૌથી પહેલા બિગ બીએ સુમિત તડિયાલને તેમના અંગત જીવન વિશે વાત કરતા પૂછ્યું – તમે બંને ઘરે કેવી રીતે રહો છો, સુમિતે કહ્યું કે અમારી વચ્ચે ઘણો ઝઘડો છે. આ પછી અમિતાભે સુમિતને પૂછ્યું કે તમે તમારી ધર્મ પત્નીને ઘરે કયા નામથી બોલાવો છો.
આના પર સુમિતે જવાબ આપ્યો કે મેં મારી પત્નીનું નામ મારા ફોનમાં ‘સુનતી હો’ તરીકે સેવ કર્યું છે. સુમિતની આ વાત પર અમિતાભ બચ્ચને કહ્યું- મેં મારા ફોનમાં જયાનો નંબર પણ ‘JB’ના નામે સેવ કર્યો છે.
આટલું જ નહીં, વધુ એક મોટો ખુલાસો કરતા અમિતાભ બચ્ચને કહ્યું કે, જો તેઓ ક્યારેય તેમની લગ્નની વર્ષગાંઠ ભૂલી જાય છે, તો પત્ની અમારી મજાક ઉડાવે છે અને ક્યારેક આમરે તેમનો ઠપકો પણ સાંભળવો પડે છે.
આપને જણાવી દઈએ કે જયા અને અમિતાભ બચ્ચન પહેલીવાર FTII પુણેમાં મળ્યા હતા. વાસ્તવમાં, જયા અહીંથી એક્ટિંગનો કોર્સ કરી રહી હતી અને ત્યાર બાદ અમિતાભ તેમની પહેલી ફિલ્મ ‘સાત હિન્દુસ્તાની’ (1969)ના સંબંધમાં ત્યાં ગયા હતા. તે સમયે જયાના હૃદયમાં અમિતાભ બચ્ચનની છબી હરિવંશ રાય બચ્ચનના સંસ્કારી પુત્ર તરીકે હતી.
જોકે, બંને વચ્ચે વાતચીત અને પરિચય હૃષિકેશ મુખર્જીની ફિલ્મ ‘ગુડ્ડી’ના સેટ પર થયો હતો. આ પછી અમિતાભ અને જયાએ 1973માં પ્રકાશ મહેરાની ફિલ્મ ‘જંજીર’માં સાથે કામ કર્યું હતું. આ ફિલ્મ દરમિયાન બંને વચ્ચે નિકટતા વધી અને બંનેએ લગ્ન કરવાનો નિર્ણય લીધો.
જંજીરની સફળતા બાદ જયા અને અમિતાભ બચ્ચને 3 જૂન, 1973ના રોજ લગ્ન કર્યા હતા. આ જોડીએ સાથે ઘણી સુપરહિટ ફિલ્મો આપી છે. જેમાં ‘જંજીર’, ‘મિલી’, ‘શોલે’, ‘અભિમાન’, ‘ચુપકે ચુપકે’, ‘સિલસિલા’, ‘કભી ખુશી કભી ગમ’ જેવી ફિલ્મોનો સમાવેશ થાય છે.
આ પણ વાંચો :મેકઅપ વિના આ હાલતમાં જોવા મળી પ્રિયંકા ચોપરા, ખુલ્લેઆમ કર્યો યુક્રેનને સપોર્ટ
આ પણ વાંચો : વિલ સ્મિથ પર 10 વર્ષ માટે ઓસ્કારમાં જવા પર પ્રતિબંધ, જાણો શું છે સમગ્ર મામલો
આ પણ વાંચો :બૈસાખી પર રણબીર સાથે સાત ફેરા લેશે આલિયા, જાણો શા માટે છે આ દિવસ લગ્ન માટે ખાસ
