ચીનના ઉત્તર-પશ્ચિમ નિંગ્ઝિયા ક્ષેત્રમાં બુધવારે રાત્રે ગેસ વિસ્ફોટમાં 31 લોકોના મોત થયા હતા. સત્તાવાર સમાચાર એજન્સી સિન્હુઆએ આ માહિતી આપી છે. ડ્રેગન બોટ ફેસ્ટિવલની રજા પહેલા બુધવારની સાંજના સમયે નિંગ્ઝિયા હુઇ સ્વાયત્ત ક્ષેત્રની રાજધાની યિનચુઆનમાં એક બરબેકયુ રેસ્ટોરન્ટમાં આ ઘટના બની હતી.
મળતી માહિતી અનુસાર વિસ્ફોટ લગભગ 8:40 વાગ્યે થયો હતો. તે સમયે રસ્તા પર ખૂબ જ ભીડ હતી કારણ કે તહેવારની તૈયારીમાં લોકો એકઠા થયા હતા. આ વિસ્તારમાં મુસ્લિમોની મોટી વસ્તી છે. અત્યારે અકસ્માતમાં ઘાયલ થયેલા સાત લોકોની સારવાર ચાલી રહી છે.
રાષ્ટ્રપતિ શી જિનપિંગે જરૂરી નિર્દેશ આપ્યા
ચીનના રાષ્ટ્રપતિ શી જિનપિંગે અધિકારીઓને નિર્દેશ કર્યું કે સૌ પ્રથમ ઘાયલોની સારવારને પ્રાથમિકતા આપવામાં આવે. તેમણે મુખ્ય ઉદ્યોગો અને ક્ષેત્રોમાં સલામતી દેખરેખ વધારવાની જરૂરિયાત પર ભાર મૂક્યો હતો.
ચીનમાં ગેસ અને રાસાયણિક વિસ્ફોટની ઘટનાઓ ખુબ જ સામાન્ય છે
સલામતી સુધારવા માટે સતત પ્રયત્નો કરવા છતાં ચીનમાં ગેસ અને રાસાયણિક વિસ્ફોટની ઘટનાઓ કમનસીબે સામાન્ય છે. 2015 માં, ઉત્તરીય બંદર શહેર તિયાનજિનમાં વિસ્ફોટોની દુ:ખદ શ્રેણીમાં 173 લોકોના મોત થયા હતા.
મળતી માહિતી મુજબ રાજ્ય પ્રસારણકર્તા સીસીટીવી પર દર્શાવવામાં આવેલા ફૂટેજમાં એક ડઝનથી વધુ અગ્નિશામકો સ્થળ પર કામ કરી રહ્યા છે. કાચના ટુકડા અને અન્ય કાટમાળ અંધારાવાળા રસ્તા પર વિખરાયેલો હતો. આ રોડ પર અન્ય ઘણા ભોજનાલયો અને મનોરંજન સ્થળો છે.
કટોકટી વ્યવસ્થાપન મંત્રાલયે જણાવ્યું હતું કે આગને પગલે સ્થાનિક ફાયર અને બચાવ સેવાઓએ 100 થી વધુ લોકો અને 20 વાહનોને ઘટના સ્થળે મોકલ્યા હતા.
મંત્રાલયે જણાવ્યું હતું કે, “સ્થાનિક સત્તાવાળાઓએ તાત્કાલિક માંગ કરી હતી કે તમામ શોધ અને બચાવ પ્રયાસો શરૂ કરવામાં આવે, ઘાયલોની યોગ્ય સારવાર કરવામાં આવે અને જાનહાનિની સંખ્યા શક્ય તેટલી ઓછી કરવામાં આવે.” નિવેદનમાં કહેવામાં આવ્યું છે કે ગુરુવારે સવારે 4:00 વાગ્યે બચાવ પ્રયાસો સમાપ્ત થઈ ગયા હતા.
આ પણ વાંચોઃ Modi-Defence-USA/ ખતરનાક પ્રિડેટર ડ્રોન અને ફાઈટર જેટ એન્જિન પર કરાર ભારત-અમેરિકા સંબંધોમાં નવો અધ્યાય શરૂ કરશે
આ પણ વાંચોઃ Modi In White House/ વ્હાઇટ હાઉસમાં પીએમ મોદીનું ઉષ્માસભર સ્વાગત અને બંને નેતાઓની જબરજસ્ત બોડી લેન્ગવેજ
આ પણ વાંચોઃ Modi-USA/ PM મોદીએ યુએસ પ્રેસિડેન્ટ અને ફર્સ્ટ લેડીને આપી કઈ-કઈ ભેટ
આ પણ વાંચોઃ નિવેદન/ NCPના દિગ્ગજ નેતા અજિત પવારે વિપક્ષની બેઠક પહેલા શરદ પવારને લઇને આપ્યું મોટું નિવેદન,જાણો શું કહ્યું….
આ પણ વાંચોઃ SAFF Cup/ ભારતે ફૂટબોલના SAFF કપમાં પાકિસ્તાનને 4-0થી હરાવ્યું
