અમેરિકા જવાની ઘેલછામાં ગુજરાતના ડીંગુચાથી પત્ની અને બે બાળકો સાથે યુએસ-કેનેડા બોર્ડર પર માઈનસ 35 ડિગ્રી તાપમાનમાં ફસાઈને કાળનો કોળિયો બનેલા જગદીશ પટેલના ભાઈ મહેન્દ્ર પટેલને માનવ તસ્કરી માસ્ટરમાઇન્ડ માનીને પોલીસે એફઆઈઆર નોંધી હતી. પોલીસને એવી પણ શંકા છે કે આ અકસ્માત બાદ મહેન્દ્ર વિદેશી એજન્ટોની મદદથી દેશ છોડીને ભાગી ગયો હતો.
લોકો ગુમ થયા બાદ તપાસ શરૂ કરવામાં આવી
જુલાઈ 2023માં ગુજરાતથી અમેરિકા જવા નીકળેલા નવ લોકો ગુમ થયાની ફરિયાદ મળ્યા બાદ મહેસાણા, સાબરકાંઠા પોલીસે ગુજરાતમાં ચાલી રહેલા માનવ તસ્કરી રેકેટનો નવો કેસ નોંધીને તપાસ શરૂ કરી હતી. સાબરકાંઠા પોલીસનું માનવું છે કે જાન્યુઆરી 2023માં ડીંગુચાના જગદીશ પટેલ, તેની પત્ની અને બે બાળકોના અમેરિકામાં ગેરકાયદેસર પ્રવેશના પ્રયાસ પાછળ જગદીશના ભાઈ મહેન્દ્ર અને બે વિદેશી એજન્ટોનો હાથ હતો.
આ ઘટના બાદ તપાસ એજન્સીઓ મહેન્દ્ર પર નજર રાખી રહી હતી. અમેરિકા-કેનેડા બોર્ડર પર અકસ્માતમાં જગદીશના પરિવારનું મૃત્યુ થયું હોવા છતાં, મહેન્દ્રએ ઉત્તર ગુજરાતમાંથી વધુ નવ લોકોને અમેરિકામાં ઘૂસણખોરી કરવાનો પ્રયાસ કર્યો, પરંતુ તેઓ અધવચ્ચે જ ફસાઈ ગયા હતા.
નવ લોકો હજુ પણ વિદેશમાં ફસાયેલા છે
પોલીસને શંકા છે કે આ લોકોના પરિવારજનોએ મહેન્દ્ર પર દબાણ કર્યું હતું, તેથી તે પોતે વિદેશી એજન્ટની મદદથી દરિયાઈ માર્ગે વિદેશ ભાગી ગયો હતો. તે અમેરિકામાં ઘૂસણખોરી કરે અથવા કેરેબિયન દેશમાં જાય તેવી શક્યતા છે.
મળતી માહિતી અનુસાર, ગુજરાતના નવ લોકો હાલમાં આફ્રિકન દેશ ડોમિનિકામાં ફસાયેલા હોવાનું કહેવાય છે, પરંતુ સ્થાનિક પોલીસ પાસે કોઈ સત્તાવાર માહિતી નથી. ગુમ થયેલાઓમાં ભરત રબારીની પત્ની ચેતના રબારીએ જુલાઈ 2023માં પ્રાંતિજ પોલીસ સ્ટેશનમાં આ અંગે ફરિયાદ નોંધાવી હતી.
આ પણ વાંચો: Canada/ કેનેડાના પીએમ જસ્ટિન ટ્રુડોએ ફરી ભારત વિરોધી રાગ આલાપ્યો
આ પણ વાંચો: Weather Update/ આજે દેશના આ વિસ્તારોમાં પડશે ગાજવીજ સાથે વરસાદ
આ પણ વાંચો: Ganesh Chaturthi/ ગણપતિ બાપ્પાના સ્વરૂપમાં છૂપાયા છે ગહન રહસ્યો, આ અંગો આપે છે ખાસ સંકેત
