Surat News: સુરત શહેરમાં લાંબા સમયથી ચાલી રહેલી અસહ્ય ગરમી અને ઉકળાટ વચ્ચે આખરે વાતાવરણમાં પલટો આવ્યો છે. શહેરના પાંડેસરા, ઉધના અને પર્વતપાટિયા સહિતના વિસ્તારોમાં આજે વરસાદી (Surat Rain) ઝાપટાં પડતાં લોકોને ભારે ગરમીમાંથી મોટી રાહત મળી છે.
નવસારી અને ગીર સોમનાથ બાદ હવે ટેક્સટાઇલ અને ડાયમંડ સિટી તરીકે ઓળખાતા સુરતમાં પણ પ્રી-મોન્સૂન એક્ટિવિટી સક્રિય બની છે. છેલ્લા કેટલાક દિવસોથી શહેરમાં તાપમાન સતત ઊંચું રહેતા અને ભેજનું પ્રમાણ વધતાં લોકો ગરમી અને બફારાથી પરેશાન થઈ ગયા હતા.
Surat Rain:સુરતમાં વરસાદી માહોલ
આજે સવારે અચાનક વાતાવરણમાં બદલાવ જોવા મળ્યો હતો. આકાશમાં ઘેરા વાદળો છવાઈ ગયા બાદ શહેરના અનેક વિસ્તારોમાં હળવાથી મધ્યમ વરસાદી ઝાપટાં શરૂ થયા હતા. વરસાદ (Surat Rain) શરૂ થતાં જ વાતાવરણમાં ઠંડક પ્રસરી ગઈ હતી અને લોકોને ગરમીમાંથી આંશિક રાહત મળી હતી.
શહેરના મુખ્ય વિસ્તારો પાંડેસરા, ઉધના, પર્વતપાટિયા સહિતના વિસ્તારોમાં વરસાદ (Surat Rain) પડતાં રસ્તાઓ ભીના બન્યા હતા. જોકે, હાલ સુધી કોઈ મોટા પાણી ભરાવાની માહિતી સામે આવી નથી. પ્રથમ વરસાદને કારણે વાહનચાલકોને સાવચેતીપૂર્વક વાહન હંકારવાની અપીલ પણ કરવામાં આવી છે.
હવામાન વિભાગના અનુમાન મુજબ સુરત શહેર અને આસપાસના ગ્રામ્ય વિસ્તારોમાં આગામી કલાકોમાં પણ હળવાથી મધ્યમ વરસાદી ઝાપટાં પડવાની શક્યતા છે. સાથે જ ગાજવીજ અને તેજ પવનની પણ સંભાવના વ્યક્ત કરવામાં આવી છે. વરસાદી માહોલને કારણે શહેરમાં લોકોને ગરમીમાંથી રાહત મળી છે અને વાતાવરણ ખુશનુમા બન્યું છે. હવે લોકો ચોમાસાની સત્તાવાર એન્ટ્રીની રાહ જોઈ રહ્યા છે.
આ પણ વાંચો:ગુજરાતના વાતાવરણમાં આવ્યો પલટો, સુરત-વડોદરા સહિત અનેક શહેરોમાં ભારે પવન સાથે વરસાદ
આ પણ વાંચો:સુરત સહિત દક્ષિણ ગુજરાતમાં 24 કલાકમાં દોઢ ઇંચ વરસાદ ખાબક્યો
આ પણ વાંચો:સુરતમાં છેલ્લા આઠમાંથી સાત વર્ષ 100 ટકા વરસાદ નોંધાયો
