ગીર સોમનાથમાં પિતાએ પુત્રી પર ત્રાસ ગુજાર્યો હતો. પુત્રીના પિતાને શંકા હતી કે તેની પુત્રીને ભૂત વળગ્યું છે. ભૂતના ડરથી તેણે 14 વર્ષની દીકરી પર 7 દિવસ સુધી અત્યાચાર ગુજાર્યો હતો. તેને ભૂખી રાખવામાં આવી હતી. અંતે દીકરીએ જીવ ગુમાવ્યો હતો.
એસપી મનોહરસિંહ જાડેજાએ જણાવ્યું હતું કે, તાલાલા તાલુકાના ધાવા ગામમાં આ ભયાનક ઘટના બની હતી. મૃતક બાળકીની ઓળખ ધૈર્ય અકબરી તરીકે થઈ છે. તેના પિતાનું નામ ભાવેશ અકબરી છે. 1 થી 7 ઓક્ટોબર સુધી ભાવેશે તેની પુત્રી ધૈર્યને ખેતરમાં રાખી હતી. ભાવેશ અને તેના મોટા ભાઈ દિલીપને શંકા હતી કે બાળકીને ભૂત વળગ્યું છે. બંનેએ બાળકી પર ત્રાસ ગુજાર્યો હતો અને સાત દિવસ સુધી તેને ખાવાનું આપ્યું ન હતું.
ભાવેશ અકબરી તેની પુત્રી સાથે સુરતમાં રહેતો હતો. તેને શંકા હતી કે કોઈ દુષ્ટ આત્માઓએ તેની પુત્રી પર કબજો કર્યો છે. આનાથી તેની પુત્રીની વર્તણૂક બદલાઈ ગઈ છે. દીકરીના શરીરમાંથી ભૂત ભગાડવા તેણે છોકરીને ધવા ગામમાં મોકલી હતી. 1 ઓક્ટોબરના રોજ બાળકીને ખેતરમાં લઈ ગયો હતો. અહીં તેને અત્યાચાર ગુજારવામાં આવ્યો અને તેને ભૂખી રાખવામાં આવી. આ દરમિયાન કાળા જાદુની વિધિ કરવામાં આવી હતી. બાળકીનું 7 ઓક્ટોબરે મૃત્યુ થયું હતું.
બાળકીના મૃત્યુ બાદ પિતાએ ભાઈ સાથે મળીને તેના અંતિમ સંસ્કાર કર્યા હતા. જ્યારે તેના મામાને બાળકીના ગુમ થયાની જાણ થઈ ત્યારે તેણે પોલીસમાં ફરિયાદ કરી. આ પછી પોલીસે ઘટનાનો ખુલાસો કર્યો. એસપી મનોહરસિંહ જાડેજાએ જણાવ્યું કે બંને ભાઈઓની ધરપકડ કરવામાં આવી છે. અત્યાર સુધી, તપાસકર્તાઓને ગુનાના સ્થળે કોઈ ‘તાંત્રિક’ની સંડોવણી મળી નથી, પરંતુ તેઓ તપાસ કરશે કે કોની સલાહ પર આરોપીએ બાળકી સાથે આ અમાનવીય વર્તન કર્યું.
આ પણ વાંચો:સાણંદ, કડી, કલોલને પણ અમદાવાદ મેટ્રો સાથે જોડવાનું ભાવિ આયોજન
આ પણ વાંચો: મુંબઈ એરપોર્ટ પરથી 8.40 કરોડનું સોનું ઝડપાયું, ભારતીય નાગરિકની ધરપકડ
આ પણ વાંચો:સુરતના ચા વાળાએ 6 વર્ષ પહેલા દાટ્યો હતો તમંચો, કાઢવા ગયો તો..
