ફૂટબોલની ગ્લોબલ ગવર્નિંગ બોડી FIFA એ બુધવારે એક મોટી જાહેરાત કરી છે. FIFA એ જાહેરાત કરી છે કે તે ત્રણ ખંડો – દક્ષિણ અમેરિકા, આફ્રિકા અને યુરોપમાં 2030 વર્લ્ડ કપની યજમાની માટે કરાર પર પહોંચી ગઈ છે. ફિફાએ વધુમાં કહ્યું કે મોરોક્કો, પોર્ટુગલ અને સ્પેન આ પ્રતિષ્ઠિત ઈવેન્ટના સંયુક્ત યજમાન હશે. ઉરુગ્વે, આર્જેન્ટિના અને પેરાગ્વેમાં પણ મેચ રમાશે.આ રીતે તમામ 6 દેશો આપોઆપ વર્લ્ડ કપ માટે ક્વોલિફાય થઈ જશે. FIFA એ એક નિવેદનમાં કહ્યું, “2030 માં FIFA વર્લ્ડ કપ 3 ખંડો અને 6 દેશોને એક કરશે. અને આ સુંદર રમત, તેની શતાબ્દી અને FIFA વર્લ્ડ કપની ઉજવણીમાં સામેલ થવા માટે સમગ્ર વિશ્વને આમંત્રિત કરશે.
At today’s FIFA Council Meeting, a number of key decisions were made on upcoming FIFA tournaments.
A thread 🧵 pic.twitter.com/iGLyiWHQtM
— FIFA (@FIFAcom) October 4, 2023
ફિફાએ જણાવ્યું હતું કે ઉરુગ્વેમાં આયોજિત પ્રથમ વિશ્વ કપની શતાબ્દી ઉજવણીના ભાગરૂપે અગાઉ વર્લ્ડ કપની મેચો દક્ષિણ અમેરિકામાં યોજવામાં નિર્ધાર કર્યો છે .ફિફા અનુસાર, ત્રણ દક્ષિણ અમેરિકાના દેશો એક-એક મેચનું આયોજન કરશે. ત્રણમાંથી પ્રથમ મેચ સ્ટેડિયમમાં રમાશે જ્યાંથી આ બધું શરૂ થયું હતું. ઉરુગ્વેની રાજધાની મોન્ટેવિડિયોમાં આવેલું આ એસ્ટાડિયો સેંટેનેરિયો સ્ટેડિયમ છે.
દક્ષિણ અમેરિકન ફૂટબોલ સંસ્થા CONMEBOL ના પ્રમુખ અલેજાન્ડ્રો ડોમિંગુઝે કહ્યું: “શતાબ્દી વિશ્વ કપ દક્ષિણ અમેરિકાથી દૂર ન હોઈ શકે, જ્યાંથી આ બધું શરૂ થયું હતું.” “2030 વર્લ્ડ કપ ત્રણ ખંડોમાં રમાશે.” ફિફા કાઉન્સિલની વર્ચ્યુઅલ બેઠકમાં આ નિર્ણય લેવામાં આવ્યો હતો. જો કે, 2024 માં બેંગકોકમાં આગામી FIFAની ઇવેન્ટમાં તમામ 211 સભ્યો દ્વારા મતમાં તેને બહાલી આપવી પડશે.