આજે કોરોનાવાયરસનાં વધુ ફેલાવવાનાં કારણે દેશનાં વિભિન્ન રાજ્યોમાં લોકડાઉન કે કર્ફ્યુ જેવી સ્થિતિ બની છે. શાળાઓ બંધ પડી છે, ત્યારે ખાનગી શાળાઓ તરફથી પૂરી ફી લેવામાં આવતી હોવાને લઇને સુપ્રીમ કોર્ટે એક મહત્વપૂર્ણ નિર્ણય આપ્યો છે. કોર્ટે શાળાઓને વિદ્યાર્થીઓ પાસેથી 2020-21 નાં સત્ર માટેની વાર્ષિક ફી વસૂલવાની મંજૂરી આપી દીધી છે.
દેશ સંકટમાં / કોરોનાથી થઇ રહ્યા છે એટલા મોત કે બેંગલુરુનાં આ સ્મશાનગૃહની બહાર લગાવવું પડ્યું હાઉસફૂલનું બોર્ડ
આપને જણાવી દઇએ કે, સુપ્રીમ કોર્ટે ખાનગી શાળાઓને આદેશ આપ્યો છે કે, તેઓ રાજ્યનાં કાયદા હેઠળ વિદ્યાર્થીઓ પાસેથી સૂચવવામાં આવેલ વાર્ષિક ફી વસૂલ કરી શકે છે. જો કે, કોર્ટે આદેશ પણ આપ્યો છે કે શાળાઓએ શૈક્ષણિક સત્ર 2020-21 માટેની વાર્ષિક ફી માં 15 ટકાનો ઘટાડો કરે, કારણ કે વિદ્યાર્થીઓએ આ વર્ષમાં શાળાએ જવાની સુવિધાઓ મેળવી નથી. આપને જણાવી દઇએ કે, કોરોના મહામારીનાં આ કાળમાં દરેક પરેશાન છે. શાળા ઘણા લાંબા સમયથી બંધ છે અને વાલીઓ અભ્યાસ અને ફી ની ચિંતામાં છે. ફી અંગે અનેક સ્થળોએ શાળાઓ દ્વારા આપવામાં આવતી રાહત અંગે શાળાઓની પોતાની દલીલો છે. ગયા વર્ષે ઘણા રાજ્યોમાં ફી નો કેસ કોર્ટમાં પહોંચ્યો હતો. ફી અંગે વિવિધ રાજ્ય સરકારો દ્વારા આદેશો આપવામાં આવ્યા હતા, જેના આધારે શાળા વહીવટ અને અન્ય લોકો કોર્ટમાં પહોંચ્યા હતા. ફી નો મામલો દેશનાં સુપ્રીમ કોર્ટ સુધી પહોંચ્યો હતો અને હવે સુપ્રીમ કોર્ટે પણ તેના પર સૂચનાઓ જારી કરી દીધી છે. જસ્ટિસ એ.એમ.ખાનવિલકર અને ન્યાયાધીશ દિનેશ મહેશ્વરીની ડિવિઝન બેંચે તેમના નિર્ણયમાં જણાવ્યું હતું કે, 5 ઓગસ્ટ 2021 સુધીમાં આ ફી 6 હપ્તામાં એકત્રિત કરવામાં આવશે. પરંતુ વિદ્યાર્થીઓને ફી ચૂકવવામાં અથવા વિલંબથી પરિણામ અટકાવવામાં આવશે નહીં, સાથે વિદ્યાર્થીઓને ઓનલાઇન અથવા ફિજિકલ વર્ગોમાં જતા અટકાવવામાં આવશે નહીં. સુપ્રીમ કોર્ટે કહ્યું કે શાળાઓ ફી ચૂકવવાની સ્થિતિમાં ન હોય તેવા માતા-પિતાનાં કેસ પર વિચારણા કરશે. પરંતુ શાળા વિદ્યાર્થીઓની પરીક્ષાનું પરિણામ અટકાવશે નહીં. જસ્ટિસ એ.એમ. ખાનવિલકર અને ન્યાયાધીશ મહેશ્વરીની ખંડપીઠે જણાવ્યું હતું કે ડિઝાસ્ટર મેનેજમેન્ટ એક્ટ 2015 હેઠળ આ આદેશ આપી શકાતો નથી, કારણ કે તેમાં ક્યાંય એવું નથી કે સરકાર રોગચાળાને રોકવા માટે ફી અને ફી માં ઘટાડો અથવા કરારનો આદેશ આપી શકે છે.
બ્રેકિંગ ન્યૂઝ / બિલ ગેટ્સે 27 વર્ષ જુના પોતાના લગ્ન જીવનનો અંત લાવવાનો લીધો નિર્ણય
સુપ્રીમ કોર્ટે આ નિર્ણય રાજસ્થાનની ખાનગી શાળાઓની અપીલ પર આપ્યો છે. આ સાથે સુપ્રીમ કોર્ટે રાજસ્થાન હાઈકોર્ટનાં નિર્ણય પર સ્ટે મુક્યો છે, જેમાં કુલ ફી નાં 70 ટકા ટ્યુશન ફી તરીકે લેવાનો આદેશ આપવામાં આવ્યો હતો. જણાવી દઇએ કે, માતા-પિતા ઇચ્છતા હતા કે કોરોના સંકટ વચ્ચે ખાનગી શાળાઓની ફી માફ કરવામાં આવે. પરંતુ શાળા સંચાલકો આમ કરવા તૈયાર નહોતા. જે બાદ આ મામલો રાજસ્થાન હાઇકોર્ટમાં પહોંચ્યો હતો. હાઈકોર્ટે આ કેસમાં ચુકાદો આપતાં આદેશ આપ્યો હતો કે શાળા સંચાલકોએ માત્ર 70 ટકા ફી લેવી જોઈએ. જો કે ખાનગી શાળાઓ આ નિર્ણયથી ખુશ નહોતી. જે બાદ તે સુપ્રીમ કોર્ટ પહોંચ્યા હતા. ખાનગી શાળાઓએ સુપ્રીમ કોર્ટમાં અપીલ કરી હતી કે માતા-પિતા પાસેથી સંપૂર્ણ ફી વસૂલવામાં આવે. હવે સુપ્રીમ કોર્ટે હાઇકોર્ટનાં નિર્ણય પર સ્ટે મુક્યો છે અને માતા-પિતા દ્વારા દાખલ કરેલી અરજીને પણ ફગાવી દીધી છે. હવે સુપ્રીમ કોર્ટનાં આ નિર્ણયની અસર રાજસ્થાનની લગભગ 36,૦૦૦ ખાનગી સહાય વિનાની શાળાઓ અને 220 લઘુમતી ખાનગી સહાયક શાળાઓને થશે.
