ઝારખંડમાં આ દિવસોમાં રાજકીય ગતિવિધિઓ તેજ બની રહી છે. હેમંત સોરેને પોતાની સરકાર બચાવવા માટે મહાગઠબંધનના ધારાસભ્યોને રાયપુર મોકલ્યા છે. બીજી તરફ ભાજપના નેતાઓની મુશ્કેલીઓ પણ વધી છે. હકીકતમાં, ઝારખંડ પોલીસે દેવઘર એરપોર્ટની સુરક્ષાનો ભંગ કરવા બદલ ભાજપના સાંસદ નિશિકાંત દુબે, સાંસદ મનોજ તિવારી, બીજેપી નેતા કપિલ મિશ્રા સહિત 9 લોકો સામે કેસ નોંધ્યો છે. આરોપ છે કે દેવઘર એરપોર્ટના એર ટ્રાફિક કંટ્રોલ (ATC) રૂમમાં 9 લોકો બળજબરીથી ઘૂસી ગયા હતા.
કુંડા પોલીસ સ્ટેશનમાં નોંધાઈ FIR
દેવઘરના કુંડા પોલીસ સ્ટેશનમાં ભાજપના નેતાઓ વિરુદ્ધ કેસ નોંધવામાં આવ્યો છે. એરપોર્ટ સુરક્ષા પ્રભારી સુમન આનંદની ફરિયાદ પર આ ફરિયાદ નોંધવામાં આવી છે. નિશિકાંત દુબે અને મનોજ તિવારી સહિત અન્ય નેતાઓએ અધિકારીઓ પર બળજબરીથી દબાણ કરીને એટીસીની મંજૂરી લીધી હોવાનું ફરિયાદમાં જણાવાયું છે.
શું છે સમગ્ર મામલો
વાસ્તવમાં, સાંસદ મનોજ તિવારી, કપિલ મિશ્રા અને નિશિકાંત દુબે 31 ઓગસ્ટે દુમકામાં વિદ્યાર્થી અંકિતા સિંહની હત્યા બાદ તેમના પરિવારના સભ્યોને મળવા માટે ચાર્ટર્ડ પ્લેનમાં દેવઘર પહોંચ્યા હતા. એરપોર્ટ પરથી સાંજે 6 વાગ્યા સુધી ટેક-ઓફ અને લેન્ડિંગની વ્યવસ્થા છે. પરંતુ સાંસદ બળજબરીપૂર્વક મંજૂરી માટે સાંજે 5.30 વાગ્યે પહોંચ્યા અને રાત્રે જ ચાલ્યા ગયા.
નાઇટ ટેક ઓફ અને લેન્ડિંગની સુવિધા નથી
આપને જણાવી દઈએ કે ઝારખંડના નવા બનેલા એરપોર્ટમાં હજુ સુધી નાઇટ ટેક ઓફ અને લેન્ડિંગની સુવિધા નથી. જેના કારણે ફ્લાઇટની ઉડાન સાંજે 6 વાગ્યા સુધી જ છે. સુરક્ષા પ્રભારી સુમન આનંદે તેમની ફરિયાદમાં સાંસદ નિશિકાંતના પુત્રોના નામ પણ નોંધ્યા છે. પોલીસના જણાવ્યા અનુસાર, ભાજપના બે સાંસદો સહિત 9 લોકો સામે કેસ નોંધવામાં આવ્યો છે. મામલાની તપાસ બાદ નિયમ મુજબ આગળની કાર્યવાહી કરવામાં આવશે.
આ પણ વાંચો:યુવતીની વારંવાર સગાઇ તોડાવી નાખવા વોટ્સએપ ઉપર મંગેતરને ધમકી, જાણો શું છે સમગ્ર ઘટના
આ પણ વાંચો: વિશ્વની 5 સૌથી મોટી અર્થવ્યવસ્થામાં ભારતનો સમાવેશ, GDP 854.7 અરબ ડોલર, બ્રિટન સરક્યું, જાણો સંપૂર્ણ વિગતો
આ પણ વાંચો:03 સપ્ટેમ્બર 2022નું રાશિ ભવિષ્ય, જાણો કેવો રહેશે તમારો આજનો દિવસ…
