વાપી,

વાપી જીઆઇડીસીની સેકન્ડ ફેઞ વિસ્તારમાં આવેલ એક કેમિકલ કંપનીમાં મોટા ધડાકા બાદ આગ ફાટી નીકળી હતી. ગ્રોવર એન્ડ વેલ કેમિકલ કંપનીમાં પ્રોસેસિંગ દરમિયાન મોટો બ્લાસ્ટ થયો હતો.

આ બ્લાસ્ટ એટલો જોરદાર હતો કે, કંપનીનો કાટમાળ આજુબાજુના વિસ્તારમાં ઉડીને પડતા લોકોમાં ભયનો માહોલ છવાયો હતો, આ બ્લાસ્ટની તીવ્રતાની અસર 2 કિલોમીટરની ત્રિજ્યામાં લોકો એ અનુભવી હતી.

બ્લાસ્ટ બાદ કંપનીમાં  ભીષણ આગ લાગી હતી. આ કેમિકલ કંપનીની આગે બાજુની કપડા બનાવતી કંપનીને પણ લપેટમાં લીધી હતી. જી ની એન્ડ જોની નામની આ કંપનીમાં પણ આગ પ્રસરી હતી. આગને પગલે ૭ થી વધારે ફાયરની ટીમ ઘટના સ્થળે પહુંચી આગ પર  કાબુ મેળવવાનો પ્રયાસ કર્યો હતો. 2 કલાકની ભારે જહેમત બાદ ફાયરની ટીમે આગ પર  કાબૂ મેળવ્યો હતો.