Firecracker : તમિલનાડુના કાંચીપુરમ જિલ્લામાં ફટાકડાની ફેક્ટરીમાં આગ લાગ્યા બાદ વિસ્ફોટ થયો હતો, જેમાં 8 લોકોના મોત થયા હતા અને 27 લોકો ઘાયલ થયા હતા. કાંચીપુરમ જિલ્લા વહીવટીતંત્રના જણાવ્યા અનુસાર, ત્રણ લોકોના ઘટનાસ્થળે જ મોત થયા હતા અને પાંચ લોકોના હોસ્પિટલ લઈ જતા રસ્તામાં મોત થયા હતા. તે જ સમયે, કાંચીપુરમના કલેક્ટર એમ આરતીના જણાવ્યા અનુસાર, ફટાકડાની ફેક્ટરીમાં વિસ્ફોટ જિલ્લાના કુરુવિમલાઈ ગામમાં થયો હતો. આ ઘટનામાં ઘણા લોકો ઘાયલ પણ થયા છે જેમને હોસ્પિટલ લઈ જવામાં આવ્યા છે.
Tamil Nadu | Six dead, several injured in an explosion at a firecracker warehouse in Kuruvimalai village of Kancheepuram district. Injured people rushed to the hospital. A police investigation is underway: Kancheepuram Collector M Aarthi
— ANI (@ANI) March 22, 2023
પોલીસ આ અંગે (Firecracker) વધુ તપાસ કરશે. ત્યાર બાદ અમને વધુ માહિતી મળશે.” ટાઈમ્સ ઓફ ઈન્ડિયા અનુસાર, પોલીસનું કહેવું છે કે આ ફેક્ટરીના માલિકની ઓળખ નરેન્દ્રનના નામથી થઈ છે અને તેમાં ઓછામાં ઓછા 25 લોકો કામ કરતા હતા. જો કે હજુ સુધી એ સ્પષ્ટ નથી થયું કે ફેક્ટરી પાસે લાઇસન્સ હતું કે નહીં.પોલીસનું કહેવું છે કે ફટાકડા બનાવ્યા બાદ તેને બહાર તડકામાં સૂકવવા માટે રાખવામાં આવતાં તેમાં આગ લાગી હતી. આ પછી આગ એટલી ઝડપથી ફેલાઈ કે ફેક્ટરીની અંદર રાખેલા ફટાકડાઓમાં પણ આગ લાગી ગઈ અને જોરદાર વિસ્ફોટ થયો.
ઘટનાની જાણ થતાં સ્થાનિક લોકો ત્યાં એકઠા થઈ ગયા હતા અને ફાયર બ્રિગેડનો સંપર્ક કર્યો હતો. લગભગ 30 મિનિટ સુધી 25 ફાયર ફાઈટરોએ આગ પર કાબૂ મેળવ્યો હતો. તેમણે ગોડાઉનમાં ફસાયેલા મજૂરોને બચાવ્યા અને કાંચીપુરમ સરકારી હોસ્પિટલમાં દાખલ કર્યા
India/ઉદ્યોગપતિ કુમાર મંગલમ બિરલાને પદ્મ ભૂષણ એનાયત, રાષ્ટ્રપતિ દ્રૌપદી મુર્મુએ કર્યાં સન્માનિત
