સંસદની કેન્ટીનમાં સાંસદોને આપવામાં આવતી ખાદ્ય સબસિડીનો અંત લાવવામાં આવશે. વ્યાપાર સલાહકાર સમિતિએ સબસિડી નાબૂદ કરવાનું સૂચન કર્યું હતું, જેના આધારે તમામ પક્ષોના સાંસદોએ તેમની સંમતિ આપી હતી. એટલે કે, હવે સંસદની કેન્ટીનમાં સાંસદોને સસ્તું જમવાનું નહિ મળી શકે. પરંતુ સામાન્ય દરે ભોજન મળશે. ઉઉલેખ્નીય છે કે, સંસદની કેન્ટીનમાં સબસિડી વાર્ષિક આશરે 15 કરોડનો ખર્ચ થાય છે.
પ્રાપ્ત માહિતી અનુસાર, તમામ પક્ષોના સાંસદો સબસિડી માફ કરવા માટે સંમત થયા હતા, તે અંગે લોકસભા અધ્યક્ષ ઓમ બિરલાના સૂચનના પગલે બિઝનેસ એડવાઇઝરી કમિટી દ્વારા ચર્ચા કરવામાં આવી હતી. તમામ પક્ષોના સાંસદો આ સૂચન માટે સહમત થયા છે. જો સબસિડી સંસદની કેન્ટીનમાંથી હટાવવામાં આવે તો વાર્ષિક 15 કરોડની બચત થશે. સંસદની કેન્ટિનમાં મળતી સબસિડી અંગે વારંવાર વિવાદ સર્જાયો છે.
આ સવાલો વારંવાર ઉભા થાય છે કે સાંસદોને કેન્ટીનમાં ખોરાક ઉપર આટલી મોટી સબસિડી કેમ આપવામાં આવે છે. થોડા દિવસો પહેલા સંસદની કેન્ટિન રેટ લિસ્ટ ઉપર સવાલો ઉભા થયા છે. વર્ષ 2017-18 સુધી સંસદની કેન્ટીનમાં ચિકન કરી 50 રૂપિયામાં, સાદા ડોસા 12 રૂપિયામાં, વેજ થાળી 35 રૂપિયામાં અને ત્રણ કોર્સ લંચ 106 રૂપિયામાં મળતી હતી. 12 રૂપિયામાં ડોસા સંસદની બહાર ભાગ્યે જ મળશે. પરંતુ સંસદની કેન્ટીનમાં સાંસદોને આ સુવિધા મળતી હતી.
આરટીઆઈના જવાબમાં સબસિડી પરના જમવાની ડીશના ભાવ જાહેર થયા છે. જો કે હવે સંસદની કેન્ટીનમાં સસ્તા ખાદ્ય પદાર્થો રોકી શકાય છે. તાજેતરમાં, લોકસભામાં કેન્ટીનમાં ખાદ્ય દરમાં સુધારો કરવામાં આવ્યો હતો અને સબસિડીમાં ઘટાડો કરવામાં આવ્યો હતો.
સબસીડી પૂરી થયા પછી સસ્તા ખાદ્યપદાર્થો મળશે નહીં, પરંતુ હાલમાં જે સમાચાર આવી રહ્યા છે તે મુજબ સબસિડીને સંપૂર્ણ રીતે ખતમ કરવાની તૈયારી કરવામાં આવી રહી છે. વર્ષ 2015 માં કેન્ટીનમાં ખોરાકના ખર્ચ પર 80 ટકા સબસિડી આપવાની વાત થઈ હતી.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
