Bangladesh News : બાંગ્લાદેશના બુતપૂર્વ વ઼ાપ્રધાન શેખ હસીનાને કોર્ટની અવમાનના કેસમાં દોષી ઠરાવાયા હતા. બાદમાં તેમણે છ મહિનાની જેલની સજા ફચકારવામાં આવી હતી. આંતરરાષ્ટ્રીય અપરાધ ટ્રિબ્યુનલે આ સજા જાહેર કરી છે. ત્રણ સભ્યોની બેન્ચે બુધવારે આ ચુકાદો આપ્યો હતો. બાંગ્લાદેશી મીડિયા અનુસાર, આંતરરાષ્ટ્રીય અપરાધ ટ્રિબ્યુનલની બેન્ચનું નેતૃત્વ ન્યાયાધીશ મોહમ્મદ ગુલામ મુર્તઝા મજુમદાર કરી રહ્યા હતા. આ પહેલી વાર છે જ્યારે શેખ હસીનાને કોઈ પણ કેસમાં જેલની સજા ફટકારવામાં આવી છે.
મીડિયા રિપોર્ટ્સ અનુસાર, ગયા વર્ષે શેખ હસીનાની એક ઓડિયો ક્લિપ લીક થઈ હતી. આ ઓડિયો ક્લિપ સોશિયલ મીડિયા પર વાયરલ થઈ હતી અને ત્યારબાદ બાંગ્લાદેશી મીડિયાએ પણ તેનું પ્રસારણ કર્યું હતું. આ ઓડિયો ક્લિપમાં, શેખ હસીના કથિત રીતે ગોવિંદગંજ ઉપાધ્યક્ષ શકીલ બુલબુલ સાથે વાત કરી રહી હતી, જેમાં તેણીએ કહ્યું હતું કે ‘મારી સામે 227 કેસ નોંધાયેલા છે, તેથી મને 227 લોકોને મારવાનું લાઇસન્સ મળી ગયું છે.’ આંતરરાષ્ટ્રીય ગુના ટ્રિબ્યુનલે કોર્ટના અવમાનના કેસમાં શકીલ બુલબુલને બે મહિનાની જેલની સજા પણ ફટકારી છે.
ઇન્ટરનેશનલ ક્રાઇમ્સ ટ્રિબ્યુનલે શેખ હસીનાના નિવેદનને અવજ્ઞા માન્યું અને તેમને કોર્ટની અવગણના કરવાનો દોષી ઠેરવ્યો. કોર્ટે કહ્યું કે ગુનેગારો કોર્ટમાં શરણાગતિ સ્વીકારે અથવા પોલીસ દ્વારા ધરપકડ કરવામાં આવે ત્યારે જ સજા શરૂ થશે. આ સખત કેદની સજા નહીં હોય. 30 એપ્રિલના રોજ, ઇન્ટરનેશનલ ક્રાઇમ્સ ટ્રિબ્યુનલના મુખ્ય ફરિયાદી તાજુલ ઇસ્લામે ટ્રિબ્યુનલ સમક્ષ કેસ રજૂ કર્યો અને શેખ હસીનાના નિવેદનને પીડિતો અને સાક્ષીઓને ડરાવવાનો પ્રયાસ ગણાવ્યો. ફોરેન્સિક તપાસના આધારે, તપાસકર્તાઓએ જણાવ્યું હતું કે ઓડિયો ક્લિપમાં અવાજ શેખ હસીનાનો હતો.
આ પણ વાંચો:અમેરિકાની કાર્યવાહી બાદ ઈરાને ઈઝરાયેલ પર કર્યો મિસાઈલ એટેક
આ પણ વાંચો:ઈઝરાયલ-ઈરાન યુદ્ધમાં અમેરિકાએ ઝંપલાવ્યું! ઈરાનના ત્રણ પરમાણુ મથકો પર હુમલો કર્યો
