Lahor: મોહમ્મદ રિઝવાન પાકિસ્તાન વ્હાઈટ બોલ ટીમનો નવો કેપ્ટન બન્યા બાદ હવે ટીમને મોટો ફટકો પડ્યો છે. ગેરી કર્સ્ટને પાકિસ્તાનની ODI અને T20 આંતરરાષ્ટ્રીય ટીમોના મુખ્ય કોચ પદ પરથી રાજીનામું આપી દીધું છે. કર્સ્ટનને પીસીબી દ્વારા એપ્રિલ 2024માં બે વર્ષના કરાર પર નિયુક્ત કરવામાં આવ્યા હતા, પરંતુ તેઓ આ પદ પર માંડ છ મહિના સુધી ટકી શક્યા હતા.
આ અંગે જાહેર નિવેદન ટૂંક સમયમાં જારી કરવામાં આવશે. બોર્ડે તેમના પસંદગીના અધિકારો છીનવી લેવાનો નિર્ણય કર્યો ત્યારથી પાકિસ્તાનના નવા નિયુક્ત કોચ કર્સ્ટન અને જેસન ગિલેસ્પી અને PCB વચ્ચે અણબનાવ થયો હતો.
મીડિયા રિપોર્ટ્સ અનુસાર, ટીમ અને નવા લિમિટેડ ઓવરના કેપ્ટનની જાહેરાત કરવામાં વિલંબનું એક કારણ બોર્ડની અંદર ચાલી રહેલી ચર્ચા હતી, જેમાં કર્સ્ટન ઈચ્છતા હતા કે તેમના સૂચનોને ધ્યાનમાં લેવામાં આવે. જ્યારે પ્રેસ કોન્ફરન્સમાં નવા કેપ્ટન મોહમ્મદ રિઝવાનની જાહેરાત કરવામાં આવી ત્યારે તે પ્રેસ કોન્ફરન્સમાં માત્ર PCB અધ્યક્ષ મોહસિન નકવી સાથે નવા સિલેક્શન કમિટીના સભ્ય આકિબ જાવેદ અને નવા કેપ્ટન અને વાઈસ-કેપ્ટન સલમાન આગા હાજર હતા. તે સમયે ગેરી કર્સ્ટન પાકિસ્તાનમાં પણ હાજર ન હતા.
ગેરી 6 મહિના પણ ટકી શક્યો નહીં
ગેરી કર્સ્ટન એ જ કોચ છે જેમના કોચિંગ હેઠળ ટીમ ઈન્ડિયાએ 2011માં ODI વર્લ્ડ કપ જીત્યો હતો. આ સિવાય ગેરી કર્સ્ટને IPL 2024માં ગુજરાત ટાઇટન્સ ટીમના કોચની ભૂમિકા ભજવી છે. આ વર્ષે મે મહિનામાં તેણે પાકિસ્તાન વ્હાઈટ બોલ ટીમના મુખ્ય કોચનું પદ સંભાળ્યું હતું. તેણે પોતાના કાર્યકાળની શરૂઆત ઈંગ્લેન્ડ સાથે રમાયેલી T20 શ્રેણીથી કરી હતી.
આ પણ વાંચોઃ ભારતનો ન્યૂઝી. સામે ટેસ્ટ શ્રેણી પરાજય, પાક. ક્રિકેટરે ઉડાવી હાંસી
આ પણ વાંચોઃ આઉટ થયા બાદ વિરાટ કોહલીએ ગુસ્સામાં તોડ્યું બેટ, શું ટીમમાંથી બહાર થવાનો ડર કરી રહ્યો છે પરેશાન
આ પણ વાંચોઃ ન્યૂઝીલેન્ડે ભારતને બીજી ટેસ્ટમાં 113 રને હરાવી ટેસ્ટ શ્રેણી 2-0થી જીતી
