અદાણી ગ્રૂપના ચેરમેન ગૌતમ અદાણી હવે નેટવર્થની દૃષ્ટિએ વિશ્વના અબજોપતિઓની યાદીમાં 5માં સ્થાને પહોંચી ગયા છે. તેણે ઈન્વેસ્ટમેન્ટ ગુરુ વોરેન બફેટને હરાવીને આ સ્થાન હાંસલ કર્યું છે. ફોર્બ્સના રિયલ ટાઈમ બિલિયોનેર્સ ઈન્ડેક્સના તાજેતરના રેન્કિંગ અનુસાર, અદાણી $123.2 બિલિયનની નેટવર્થ સાથે 5મા ક્રમે છે અને વોરેન બફેટ $121.7 બિલિયન સાથે છઠ્ઠા ક્રમે છે. રિલાયન્સ ઇન્ડસ્ટ્રીઝના ચેરમેન મુકેશ અંબાણી $104.2 બિલિયનની નેટવર્થ સાથે 9માથી 8મા સ્થાને આવી ગયા છે.
બ્લૂમબર્ગ બિલિયોનેર્સની યાદીમાં, અદાણી $119 બિલિયન સાથે છઠ્ઠા સ્થાને છે અને અંબાણી $102 બિલિયન સાથે 9મા સ્થાને છે. આ વર્ષે અત્યાર સુધીમાં અંબાણી-અદાણીની સંપત્તિમાં કુલ $55.2 બિલિયનનો વધારો થયો છે.એલોન મસ્કને 11.5 બિલિયન ડોલરનું નુકસાન થયું છે, તેમ છતાં તે પ્રથમ સ્થાને છે. ફેસબુકના સીઈઓ માર્ક ઝકરબર્ગ, જે એક સમયે ટોપ-10 અબજોપતિઓમાંના એક હતા, તેમને આ વર્ષે $57.3 બિલિયનનું સૌથી વધુ નુકસાન થયું છે. તે હવે $68.2 બિલિયનની નેટવર્થ સાથે 17મા ક્રમે છે.
