- જામનગર: જી.જી. હોસ્પિટલમાં ચાલુ ઓપરેશને ફોટો સેશન
- બ્રેઈન સ્ટ્રોકના મહિલા દર્દીના ચાલુ ઓપરેશને ફોટા પાડ્યા
- તબીબોએ સોશિયલ મીડિયામાં વાયરલ કર્યા
- ગંભીર ઘટના બહાર આવતા ઉચ્ચ તબીબો ચોંકી ઉઠ્યા
Jamnagar News : જામનગરમાં આવેલી સૌરાષ્ટ્રની સૌથી મોટી જી.જી. હોસ્પિટલ ફરી એકવાર વિવાદમાં સપડાઇ છે. જી.જી. હોસ્પિટલમાં ચાલુ ઓપરેશને ફોટો સેશન કરી તેને સોશિયલ મીડિયામાં વાયરલ કરનાર 2 ડોક્ટરોના કરતૂત બહાર આવતા ચકચાર ગઈ છે. આ ગંભીર ઘટના બહાર આવતા ઉચ્ચ તબીબો પણ ચોંકી ઉઠ્યા હતા. ઉલ્લેખનીય છે કે,મેડિકલના નિયમ મુજબ આવી રીતે ચાલુ ઓપરેશનના ફોટા મૂકી શકાતા કે પાડી શકાતા નથી.
આ અંગે મળતી માહિતી અનુસાર, 4 દિવસ પહેલા એક મહિલાને બ્રેઈન સ્ટ્રોકનો હુમલો આવતા ગંભીર હાલતમાં તેણીને જી.જી.હોસ્પિટલમાં ખસેડવામાં આવી હતી. જ્યાં મોડી રાત્રે તેના પર સર્જરી કરવામાં આવી હતી. દરમિયાન ન્યૂરોસર્જન તથા તબીબની ટીમ દ્વારા ચાલુ ઓપરેશને જ મહિલાનું મગજ ખુલેલી હાલતમાં રાખી સાથે પોતાના ફોટો પડાવ્યા હતા અને ઓપરેશન સફળ થયું હોવાના ચિહ્નો બતાવ્યા હતા.
તબીબે આ બાદ ઓપરેશન થિયેટરમાં કરેલા ફોટો સેશનને સોશિયલ મીડિયા પર મુક્યા હતા. જે બહાર આવતા હોબાળો મચી ગયો હતો. એમસીઆઈની એથીક્સ રેગ્યુલેશન 7.17નું આ કૃત્ય ઉલ્લંઘન કરે છે. જે તબીબી પ્રેક્ટિસનરોને યોગ્ય સંમતિવિના દર્દીના ફોટોગ્રાફ્સ કે કેસ પ્રકાશિત કરવા પર પ્રતિબંધ કરે છે. આ કિસ્સામાં દર્દીનો ગોપનીયતાનો ભંગજ નથી કર્યો પરંતુ તેનો જીવ પણ જોખમમાં મૂક્યો છે.
આ પણ વાંચો:માત્ર 5 ચોપડી જ ભણેલા વ્યકિતએ કર્યું એટલું મોટું કૌભાંડ કે તે જાણીને પોલીસ પણ…
આ પણ વાંચો:એક દંપતિ પાસેથી બળજરીપૂર્વક રૂ.ની વસૂલી મામલે હાઇકોર્ટની મહત્વની ટિપ્પણી, કહ્યું, રક્ષક જ ભક્ષક….
આ પણ વાંચો:ડિસામાં લજવાઈ કળિયુગી માંની મમતા, વાંચીને તમે પણ રડી પડશો
આ પણ વાંચો:વૃદ્ધાવસ્થામાં પોતાના ઘરની કામવાળીની સેવા કરી રહ્યું છે સુરતનું આ પટેલ દંપતી
