ટીમ ઈન્ડિયાના ભૂતપૂર્વ ક્રિકેટર વિરેન્દ્ર સેહવાગ ક્રિકેટમાંથી સંન્યાસ લીધા પછી પણ મોટાભાગે ચર્ચામાં રહે છે. વીરુ ખૂબ જ સહજતાથી બોલે છે અને તેની ટિપ્પણી ઘણીવાર તીખી પણ હોય છે. તાજેતરમાં જ વીરુએ તેના શો ‘વીરુ કી બેઠક’ માં ઈન્ડિયન પ્રીમિયર લીગ (આઈપીએલ) ની 13 મી સીઝનના પાંચ ફ્લોપ ક્રિકેટરોનો ઉલ્લેખ કર્યો હતો. આ સમય દરમિયાન તેણે ગ્લેન મેક્સવેલ નામના ઓસ્ટ્રેલિયન ઓલરાઉન્ડર અને કિંગ્સ ઇલેવન પંજાબ તરફથી રમતા આ ખેલાડીને ” 10 કરોડના ચિઅરલિડર્સ” તરીકે ઓળખાવ્યો હતો અને એમ પણ કહ્યું હતું કે તેમને લાગે છે કે, તે ખૂબ જ મોંઘા વેતન પર આવ્યો છે. મેક્સવેલ 13 મેચોમાં માત્ર 103 રન બનાવી શક્યો હતો. હવે મેક્સવેલે વીરુની આ ટિપ્પણીનો જવાબ આપ્યો છે.
મેક્સવેલે કહ્યું કે સહેવાગની ટિપ્પણીથી બધાને આશ્ચર્ય નથી. તેમણે કહ્યું કે આ પહેલી વાર નથી થયું જ્યારે ભૂતપૂર્વ ક્રિકેટર અને કિંગ્સ ઇલેવન પંજાબના માર્ગદર્શક વીરુએ કોઇના વિશે નિરાશા વ્યક્ત કરી છે. તેણે કહ્યું, ‘તે બરાબર છે. વીરુ મને ગમતો નથી અને તે ખૂબ બોલે છે. તેઓ જે ગમે તે બોલી શકે છે. આવા નિવેદનને લીધે, તેઓ સમાચારમાં રહે છે, તેથી તે ઠીક છે. હું આવી વસ્તુઓ સાથે વ્યવહાર કરનારાથી આગળ વધી જાવ છું. ‘
ઉલ્લેખનીય છે કે, મેક્સવેલ માટે આઈપીએલ 2020 ખરાબ રહ્યું હતું, કિંગ્સ ઇલેવન પંજાબ સતત છ મેચ હારી ગયું હતું. મેક્સવેલ કોઈ પણ મેચમાં ચાલી શક્યો નહીં. આ સીઝનમાં સૌથી ચોંકાવનારી વાત એ હતી કે મેક્સવેલ એક સિક્સર પણ ફટકારી શક્યો નહીં. અને પૂર્ણ સિઝનમાં મેક્સવેલ માત્ર અને માત્ર 103 રન બનાવી શક્યો હતો.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને FaceBook, Twitter, Instagram અને YouTubeપર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “Mantavya News” ની નવી મોબાઇલ એપ્લિકેશન….
