Gold Silver Price Today: વૈશ્વિક બજારમાં થઈ રહેલી મોટી હલચલ અને સરકારના નિર્ણયોની સીધી અસર સોના-ચાંદીના ભાવ પર જોવા મળી રહી છે. 13 અને 14 મેના રોજ ભાવમાં તોતિંગ વધારો થયા બાદ, આજે 15 મેના રોજ વાયદા બજાર (MCX) અને છૂટક બજાર બંનેમાં સોના-ચાંદીના ભાવમાં મોટો ઘટાડો નોંધાયો છે. રોકાણકારો અને લગ્નની ખરીદી કરનારાઓ માટે આ રાહતના સમાચાર છે.

MCX પર ભાવમાં ભારે ગાબડું

આજે સવારથી જ મલ્ટી કોમોડિટી એક્સચેન્જ (MCX) પર કિંમતી ધાતુઓના ભાવ નીચે ઉતરી રહ્યા છે. સવારે 11:20 વાગ્યા સુધીના ડેટા મુજબ, સોનાના પ્રતિ 10 ગ્રામના ભાવમાં ₹3000 થી વધુનો ઘટાડો જોવા મળ્યો છે, જ્યારે ચાંદીના પ્રતિ કિલોગ્રામના ભાવમાં ₹17,000થી વધુનો તોતિંગ કડાકો નોંધાયો છે. ઉલ્લેખનીય છે કે 13 મેના રોજ જ્યારે સરકારે આયાત જકાત (Import Duty) વધારી ત્યારે સોનામાં એક જ દિવસમાં ₹11,000 નો ઉછાળો આવ્યો હતો, જેની સામે આજે મોટો સુધારો જોવા મળી રહ્યો છે.

છૂટક બજારમાં આજની સ્થિતિ

Bullion.co.in ના આંકડા મુજબ, છૂટક બજારમાં પણ સોનામાં પ્રતિ 10 ગ્રામ ₹2,820 નો ઘટાડો થતા ભાવ ₹1,59,830 પર સ્થિર થયો છે. જ્યારે ચાંદીમાં ₹16,780 નો ઘટાડો થતા તે ₹2,74,980 પ્રતિ કિલો પર પહોંચી છે.

ગુજરાતના મુખ્ય શહેરોમાં આજનો ભાવ (પ્રતિ 10 ગ્રામ)

Gold Silver: ભાવ ઘટવા પાછળનું કારણ?

નિષ્ણાંતોના મતે, અમેરિકા અને ઈરાન વચ્ચેના વૈશ્વિક તણાવની અસરો વચ્ચે પીએમ મોદી દ્વારા સોનું ન ખરીદવાની અપીલ અને બજારમાં જોવા મળેલી પ્રોફિટ બુકિંગને કારણે આ ઘટાડો જોવા મળ્યો છે. બીજી તરફ પેટ્રોલ અને ડીઝલના ભાવમાં વધારો થતા સામાન્ય માણસના બજેટ પર અસર પડી છે, જેની અસર પણ કિંમતી ધાતુઓની માંગ પર જોવા મળી રહી છે.

આ પણ વાંચો :MCX પર સોનું-ચાંદી થયું સસ્તું, ટોચની કિંમત ₹1.89 લાખથી નીચે

આ પણ વાંચો :અખાત્રીજે અમદાવાદમાં સોનું 1.58 લાખને પાર, જાણો ચાંદીના લેટેસ્ટ ભાવ અને શુભ મુહૂર્ત