ચેન્નાઈ સુપર કિંગ્સ (CSK) એ IPL-2023નું ટાઈટલ જીતી લીધું છે. IPLમાં ધોનીએ ફરી એક વાર પોતાની કિંગશિપ સાબિત કરી છે. એક રોમાંચક મુકાબલામાં ચેન્નાઈ સુપર કિંગ્સે ગુજરાત ટાઇટન્સ (GT) ને 5 વિકેટે હરાવ્યું. આઈપીએલની પ્રથમ સિઝનથી લઈને અત્યાર સુધી ચેન્નાઈ સુપર કિંગ્સનો ફેન ફોલોઈંગ ઘણો મોટો છે. આ વાતનો અંદાજો એ વાત પરથી લગાવી શકાય છે કે જ્યારે ચેન્નાઈ IPL જીત્યું ત્યારે ખુદ Google CEO સુંદર પિચાઈ પણ અભિનંદન આપતા જોવા મળ્યા હતા.
આ રીતે Googleના CEOએ પાઠવ્યા અભિનંદન
જ્યારે પણ CSKની મેચ હોય છે, જ્યાં પણ સ્ટેડિયમ હોય છે, આખું ઓડિટોરિયમ CSKના પીળા રંગમાં રંગવામાં આવે છે. દેશ-વિદેશના લોકો ધોની અને તેની ટીમને સપોર્ટ કરતા જોવા મળી રહ્યા છે. અને જ્યારે મેચ આઈપીએલની ફાઈનલ છે અને મહેન્દ્ર સિંહ ધોનીની ચેન્નાઈ સુપર કિંગ્સ તેને પોતાના નામે કરી લે છે, ત્યારે આ ક્ષણ તેના ચાહકો માટે ખાસ હશે. Google CEO સુંદર પિચાઈ CSKના આવા ઘણા ચાહકોમાંથી એક છે. CSK એ ઐતિહાસિક મેચ જીતી ત્યારે સુંદર પિચાઈએ પણ અભિનંદન પાઠવ્યા હતા. પિચાઈએ ટ્વીટ કર્યું, “શું ફાઈનલ છે! હંમેશની જેમ ગ્રેટ ટાટા આઈપીએલ, CSKને અભિનંદન! GT આવતા વર્ષે વધુ મજબૂત બનશે.”
Some final that one! Great #TATAIPL as always and congrats to CSK! and GT will be back stronger next year! https://t.co/R75CJeTfgx
— Sundar Pichai (@sundarpichai) May 29, 2023
જાડેજાએ અંતિમ બે બોલમાં ફાઇનલમાં જીત મેળવી હતી
આપને જણાવી દઈએ કે ગુજરાત ટાઇટન્સ (GT) એ મેચમાં 215 રનનો ટાર્ગેટ આપ્યો હતો, પરંતુ વરસાદના કારણે ડકવર્થ-લુઇસ નિયમ મુજબ 15 ઓવરમાં 171 રનનો ટાર્ગેટ ઘટાડી દેવામાં આવ્યો હતો. જવાબમાં ચેન્નાઈની ટીમે 5 વિકેટે 171 રન બનાવીને મેચ જીતી લીધી હતી. છેલ્લા બે બોલ પર ચેન્નાઈને જીતવા માટે 10 રનની જરૂર હતી. ત્યારે રવિન્દ્ર જાડેજા ક્રિઝ પર હતો. તેણે મોહિત શર્માને સિક્સર અને પછી ફોર ફટકારીને ચેન્નાઈ માટે ફાઇનલમાં જીત મેળવી હતી.
આ પણ વાંચો:IPLની ફાઇલમાં વરસાદ પડતા હવે ચેન્નાઇને 15 ઓવરમાં 171 રનનો ટાર્ગેટ,મેચ ટૂંક સમયમાં શરૂ થશે
આ પણ વાંચો:ધોનીની સ્ટમ્પિંગ ઓલ ટાઇમ હિટ,માત્ર 0.12 સેકન્ડમાં શુભમન ગિલ આઉટ, જુઓ વીડિયો
આ પણ વાંચો:IPLની ફાઇનલમાં ગુજરાતે ચેન્નાઇને આપ્યો 215 રનનો ટાર્ગેટ,સુદર્શનની વિસ્ફોટક ઇનિંગ્સ
આ પણ વાંચો: IPLની ફાઇનલ રમતાની સાથે જ ધોનીએ રચ્યો આ ઇતિહાસ
