અમદાવાદ,
અમદાવાદના જીવરાજ પાર્ક વિસ્તારમાં આવેલા કોમ્પલેક્ષમાં આગ લાગી હતી. આગ લાગતા અફરાતફરીનો માહોલ ફેલાઇ ગયો હતો. જીવરાજ પાર્ક પાસે એક કોમ્પલેક્ષમાં થર્મોકોલનું ગોડાઉન આવેલું છે. આ ગોડાઉનમાં અચાનક આગ લાગી હતી.
જેથી લોકોમાં દોડધામ મચી ગઇ હતી. જો કે અહીંયા ટ્યુશન ક્લાસીસ હોવાથી 15 જેટલા બાળકો આગમાં ફસાઇ ગયા હતા. જેને તંત્ર દ્વારા બચાવી લેવામાં આવ્યા હતા.
આ ઘટનાની જાણ થતાં પોલીસ અને ફાયરની ટીમ ઘટના સ્થળે આવી પહોંચી હતી અને ભારે જહેમતબાદ આગ પર કાબુ મેળવ્યો હતો. મહત્વનું છે કે આ આગ કયાં કારણોસર લાગી તે અકબંધ છે.
