Gandhinagar News: ગુજરાતના રાજ્યપાલ આચાર્ય દેવવ્રતે આજે એક ઐતિહાસિક અને પ્રતીકાત્મક નિર્ણયની જાહેરાત કરી છે.ગુજરાતનું રાજ ભવન હવે સત્તાવાર રીતે ‘લોક ભવન’ તરીકે ઓળખાશે. આ નિર્ણય કેન્દ્રીય ગૃહ મંત્રાલયના માર્ગદર્શન અને PM નરેન્દ્ર મોદીના“ઔપનિવેશિક માનસિકતામાંથી મુક્ત ભારત” વિઝનના ભાગરૂપે લેવાયો છે.રાજ્યપાલે પોતે આ પરિવર્તનને માત્ર નામ બદલવાની પ્રક્રિયા નહીં, પરંતુ રાજ્યપાલની સંસ્થાને જનતાના ઘર તરીકે સ્થાપિત કરવાની દિશા ગણાવ્યું છે.
રાજભવન કે લોક ભવન
રાજ ભવન (Raj Bhava) શબ્દ બ્રિટિશ રાજવી વૈભવનું પ્રતીક હતો. આજથી આ ભવન ‘લોકભવન’ છે. એટલે કે ગુજરા-ત ના 7 કરોડ લોકોનું પોતાનું ઘર. અહીંના દરવાજા હવે દરેક નાગરિક માટે 24 કલાક ખુલ્લા રહેશે. વિદ્યાર્થીઓ, ખેડૂતો, મહિલાઓ, આદિવાસી ભાઈ બહેનો, સંશોધકો કે કોઈ પણ વ્યક્તિ પોતાની વાત લઈને સીધા આવી શકશે.”
ગુજરા-ત ના રાજ્યપાલ આચાર્ય દેવવ્રતે કેન્દ્ર સરકારના (Central Government) માર્ગદર્શન અનુસાર એક મહત્વપૂર્ણ નિર્ણય જાહેર કર્યો છે. ગુજરા-ત રાજભવનનું હવે સત્તાવાર રીતે નામ બદલીને “લોકભવન” કરવામાં આવ્યું છે. આ પગલું જાહેર ધારણાને ફરીથી આકાર આપશે, જેનો ઉદ્દેશ્ય લોકભવનને વધુ જન-મૈત્રીપૂર્ણ, પારદર્શક અને જનહિત માટે સમર્પિત બનાવવાનો છે.
“લોકભવન” તરીકે ઓળખાતી આ ઇમારત હવે ફક્ત રાજ્યપાલનું ઘર કે કાર્યાલય નથી. તેના બદલે, તે રાજ્યના લોકો, સમાજના વિવિધ વર્ગો, વિદ્યાર્થીઓ, સંશોધકો, ખેડૂતો અને નાગરિક સમાજ સંગઠનો સાથે સંવાદ અને જોડાણ માટે એક જીવંત કેન્દ્ર રહેશે. રાજ્યપાલ આચાર્ય દેવવ્રતે જણાવ્યું હતું કે “લોકભવન” નો અર્થ “પહેલા લોકો” થાય છે. આ પરિવર્તનનો મુખ્ય ઉદ્દેશ્ય ઇમારતને સરકાર અને રાજ્યના લોકો વચ્ચે સેવા અને સહકારના સેતુમાં પરિવર્તિત કરવાનો છે. રાજ ભવન ફક્ત બંધારણીય જવાબદારીઓ સુધી મર્યાદિત ન હોવું જોઈએ પરંતુ સમાજના કલ્યાણ, આકાંક્ષાઓ અને સમસ્યાઓ સાથે પણ મજબૂત રીતે જોડાયેલું હોવું જોઈએ.
રાજ્યપાલે વધુમાં જણાવ્યું હતું કે છેલ્લા કેટલાક વર્ષોમાં, ગુજરા-ત રાજ ભવને અનેક જાહેર કલ્યાણકારી પહેલો હાથ ધરી છે, જેમાં કુદરતી ખેતી માટે રાષ્ટ્રવ્યાપી અભિયાન, યુનિવર્સિટીઓમાં નૈતિક શિક્ષણને મજબૂત બનાવવું, યુવાનો અને સંશોધકો સાથે જોડાણ કરવું અને પર્યાવરણીય સંરક્ષણ, મહિલા સશક્તિકરણ અને આદિવાસી વિકાસને પ્રોત્સાહન આપવું શામેલ છે. આ નિર્ણય રાજ ભવન ના જાહેર સેવાલક્ષી અભિગમને વધુ મજબૂત બનાવશે. રાજ્યપાલ આચાર્ય દેવવ્રત રાજ્યના ગ્રામીણ વિસ્તારોની મુલાકાત લે છે અને રાત્રિ રોકાણ કરે છે. તેઓ ગામડાની સ્વચ્છતા, કુદરતી ખેતી, વૃક્ષારોપણ અને એકંદર ગ્રામ વિકાસને પ્રોત્સાહન આપવા માટે ગામડાઓમાં સાદા ભોજન અને અનુસૂચિત જાતિ/જનજાતિ પરિવારો સાથે જાહેર વાર્તાલાપનું પણ આયોજન કરે છે.
આ પણ વાંચો:પ્રધાનમંત્રી નરેન્દ્રભાઈ મોદીનું રાજ્યપાલ આચાર્ય દેવવ્રતજીએ રાજભવન ખાતે ઉષ્માભર્યું સ્વાગત કર્યું
આ પણ વાંચો:રાજ્યપાલે રાજભવન બોલાવીને મહિલાનું યૌન ઉત્પીડન કર્યું
આ પણ વાંચો:રાજ્યપાલ દ્વારા એનસીસી કેડેટ્સનું રાજભવન ખાતે સન્માન કરાયું
