ગુજરાતી ફિલ્મ કલાકાર દારૂની હેરાફેરીમાં પકડાયો

Surat News : સુરતના કાપોદ્રા પોલીસે વિદેશી દારૂ વેચવા અને હેરફેર કરવાના આરોપસર એક દંપતીની ધરપકડ કરી છે અને તેમના કબજામાંથી 2.86 લાખ રૂપિયાનો દારૂ જપ્ત કર્યો છે અને કાયદેસરની કાર્યવાહી હાથ ધરી છે. ઉપરાંત, પોલીસે દારૂ સપ્લાય કરનારાઓને વોન્ટેડ જાહેર કર્યા છે અને વધુ તપાસ હાથ ધરી છે.

ઉલ્લેખનીય છે કે ધરપકડ કરાયેલ આરોપી જય બારૈયા જય જિમ્મીન નામની ગુજરાતી ફિલ્મમાં અભિનેતા અને દિગ્દર્શક પણ રહી ચૂક્યો છે. આ સાથે તે કાર ખરીદવા અને વેચવાનો વ્યવસાય પણ કરે છે. તેનો જોડિયા ભાઈ પણ ફિલ્મ જગત સાથે સંકળાયેલો છે અને તે પણ આ દારૂના ધંધામાં ભાગીદાર છે.

ગુજરાતમાં દારૂબંધી હોવા છતાં, ખુલ્લેઆમ દારૂ પીવાનો અને દારૂ સાથે પકડાવાનો ટ્રેન્ડ ચાલુ જ છે. સુરતના કાપોદ્રા પોલીસે 2.86 લાખ રૂપિયાના દારૂ સાથે એક દંપતીની ધરપકડ કરી છે. આ અંગે પ્રાપ્ત માહિતી અનુસાર, સુરતની કાપોદ્રા પોલીસ ટીમને બાતમી મળી હતી કે વરાછા આદર્શ નગરના રહેવાસી વિજય ભાણજીભાઈ બારૈયા, જય ઉર્ફે જયલો ભાણજીભાઈ બારૈયા અને તેમની પત્ની મીનાક્ષીબેન કાપોદરા મુર્ગા કેન્દ્ર નજીક રવિ પાર્ક સોસાયટીમાં એક ખુલ્લા પ્લોટમાં કારમાં દારૂની હેરાફેરી કરી રહ્યા છે.

તેઓ કાર પર ડુપ્લિકેટ નંબર પ્લેટ લગાવીને, કર્ણ દરવાજા ખાતે આવેલી દુકાનમાં વિદેશી દારૂની બોટલો રાખીને અને તેને ટુ-વ્હીલર પર લોડ કરીને વેચાણ માટે લઈ જઈને દારૂના વેપારમાં સામેલ છે. તેથી, પોલીસે દરોડો પાડીને જય ઉર્ફે જ્યાલો અને તેની પત્ની મીનાક્ષીની ધરપકડ કરી. ધરપકડ કરાયેલા આરોપીઓની શોધખોળ દરમિયાન, એક ટુ-વ્હીલર અને બે ફોર-વ્હીલરમાંથી ભારતીય બનાવટના વિદેશી દારૂની 1,579 નાની-મોટી બોટલો મળી આવી હતી. જેની કિંમત 2,86,808 રૂપિયા છે. પોલીસે ડુપ્લિકેટ નંબર પ્લેટવાળી બે કાર, એક મોપેડ અને ૧૦,૯૧,૦૦૦ રૂપિયાથી વધુની રોકડ રકમ જપ્ત કરીને કાયદેસરની કાર્યવાહી હાથ ધરી છે. પોલીસે જયના ભાઈ વિજય અને રોકડામાં દારૂ સપ્લાય કરનારા બે લોકો સહિત ત્રણ લોકોને આરોપી જાહેર કરીને કાયદેસરની કાર્યવાહી હાથ ધરી છે. પોલીસ તપાસ દરમિયાન વધુ એક ચોંકાવનારો ખુલાસો થયો. જય બારૈયાએ ગુજરાતી ફિલ્મોમાં અભિનેતા અને દિગ્દર્શક તરીકે કામ કર્યું છે.

જય અને તેનો ભાઈ વિજય બંને જુડવા છે અને ગુજરાતી ફિલ્મ ઇન્ડસ્ટ્રીમાં જય-વિજયના નામથી ઓળખાય છે. આ સાથે જય પણ જય જિમી એક્ટર અને ડિરેક્ટર તરીકે જાણીતો છે. જયે છેલ્લે અજીબ પ્રેમ છે તેવી એક ગુજરાતી શોર્ટ ફિલ્મમાં ડિસેમ્બર 2023માં એક્ટર તરીકે કામ કર્યું હતું. આ પહેલા ગેંગ ઓફ સુરત સહિતના ફિલ્મોમાં પણ કામ કર્યું છે. અલગ અલગ ગુજરાતી સોંગ અને શોર્ટ ફિલ્મ પણ જય અને તેના ભાઈ વિજયે ડિરેક્ટ કરી છે.

ઉલ્લેખનીય છે કે, પકડાયેલ દંપત્તી ગુનાહિત ઇતિહાસ ધરાવે છે જેમાં આરોપી જય ઉર્ફે જયલા વિરુદ્ધ સુરત ,નવસારી, વલસાડ, સહિત અલગ અલગ પોલીસ મથકોમાં 9 જેટલા ગુનાઓ નોંધાયેલા છે. આરોપી જયને એક વખત પાસા હેઠળ પણ ધકેલવામાં આવ્યો છે. આ સાથે તેની પત્ની મીનાક્ષીબેન વિરુદ્ધ પણ વલસાડના ડુંગરા પોલીસ મથક અને નવસારી રૂરલ પોલીસ મથકમાં ગુનાઓ નોંધાયેલા છે. હાલ તો જય અને તેની પત્ની મીનાક્ષીની ધરપકડ કરી લેવામાં આવી છે જ્યારે તેના જુડવા ભાઈ વિજય સહિત ત્રણને વોન્ટેડ જાહેર કરવામાં આવ્યા છે.