સુધારેલા નાગરિકત્વ કાયદા અને એનઆરસીને લઇને માત્ર વિપક્ષ જ નહીં, એનડીએનાં ઘટકોમાં પણ અસંતોષ હોવાના અહેવાલો છે. બિહારનાં સીએમ અને જેડીયુનાં વડા નીતીશ કુમારે પહેલા જ કહ્યું છે કે તેઓ રાજ્યમાં એનઆરસી લાગુ કરશે નહીં. વળી, એલજેપીએ એમ પણ કહ્યું છે કે, સુધારેલા નાગરિકત્વ કાયદા અંગે કરવામાં આવેલા પ્રદર્શન અંગે કેન્દ્ર સરકાર સમાજનાં વિશાળ વર્ગનો ભ્રમ સાફ કરવામાં નિષ્ફળ ગઈ છે. આ બંને પક્ષો સિવાય અકાલી દળ પણ એનઆરસીની તરફેણમાં નથી.
અકાલી દળનાં નેતા નરેશ ગુજરાલે જણાવ્યું હતું કે, તેઓ એનઆરસીની તરફેણમાં નથી અને સુખબીરસિંઘ બાદલે આ વાતને સદનમાં રાખતા ગૃહમંત્રી અમિત શાહને મુસ્લિમોને આ એક્ટમાં સામેલ કરવાની અપીલ કરી હતી. તેમણે કહ્યું કે, એનડીએની બેઠકમાં નાગરિકત્વ કાયદા જેવા મહત્વનાં મુદ્દાઓ પર ચર્ચા ન કરવી એ દુર્ભાગ્યપૂર્ણ છે. આ કારણોસર એનઆરસી અને સુધારેલા નાગરિકત્વ કાયદાનાં મુદ્દે ઘણા ઘટકો નારાજ છે.
નરેશ ગુજરાલે ભૂતપૂર્વ વડા પ્રધાન અટલ બિહારી વાજપેયીને યાદ કરતાં કહ્યું કે, તેમના સમયમાં બધા ઘટક ખુશ હતા અને દરેક પક્ષને સમ્માન મળતુ હતુ. ગુજરાલે કહ્યું કે, અરૂણ જેટલી અટલ બિહારી વાજપેયીની તે શૈલીને સમજી ગયા હતા. તેમણે આ મુદ્દા પર કહ્યું હતું કે, સરકારનું વલણ તેના પર આધાર રાખે છે કે પક્ષ આ મુદ્દા પર સાથે રહેશે કે નહીં. આ અગાઉ સુખબીર સિંહ બાદલે મુસ્લિમોને સીએએમાં સામેલ કરવા અપીલ પણ કરી હતી.
સુધારેલા નાગરિકત્વ કાયદા પર ભાજપનાં સહયોગી જેડીયુમાં પણ હોબાળો થયો છે. ગૃહમાં તેમની તરફેણમાં મતદાન કર્યા બાદ પક્ષનાં ઉપપ્રમુખ પ્રશાંત કિશોર અને પાર્ટીનાં પ્રવક્તા પવન વર્માએ નારાજગી વ્યક્ત કરી હતી. વળી, મુસ્લિમ સમુદાયનાં વિરોધ પર, બિહારનાં સીએમ નીતીશ કુમારે કહ્યું, ‘અમે સમાજનાં દરેક વર્ગ માટે કામ કરવા પ્રતિબદ્ધ છીએ. હું તમને એક બીજા માટે સંવાદિતા, બંધુત્વ અને આદર જાળવવા અપીલ કરું છું. હું બાંહેધરી આપું છું કે લઘુમતીઓ સાથે કોઈ ખોટું કરવામાં આવશે નહીં. તેમણે કહ્યું કે તેઓ બિહારમાં એનઆરસી લાગુ કરશે નહીં.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
