હંસિકા મોટવાનીના ઘરે શહનાઈઓ વાગવાની છે! અભિનેત્રી હંસિકા મોટવાણીએ આખરે તેના ચાહકો માટે તેના લગ્નના પ્રપોઝલની કેટલીક તસવીરો શેર કરી છે. હંસિકા પેરિસના એફિલ ટાવરની સામે ઊભી છે જ્યાં સોહેલ તેના ઘૂંટણ પર બેસીને પ્રપોઝ કરતો જોવા મળે છે. અહેવાલો અનુસાર, લગ્ન 4 ડિસેમ્બરે રાજસ્થાનના જયપુરના મુંડોટા ફોર્ટ અને પેલેસમાં થશે. પ્રી-વેડિંગ અને વેડિંગ સેલિબ્રેશન વિશે ઘણી વધુ વિગતો બહાર આવી છે.
શું છે પ્લાન?
હંસિકાએ લગ્ન માટે જયપુરના 450 વર્ષ જૂના કિલ્લાને ફાઈનલ કરી દીધો છે. એવા અહેવાલો છે કે મુંડોટા કિલ્લામાં હંસિકાના લગ્નની તમામ તૈયારીઓ કરવામાં આવી રહી છે. રિપોર્ટ્સ અનુસાર, હંસિકાના પ્રી-વેડિંગ સેલિબ્રેશન 2 ડિસેમ્બરથી શરૂ થશે. કાર્યક્રમની શરૂઆત સુફી નાઈટથી થશે. 3જી ડિસેમ્બરે મહેંદી અને સંગીત સમારોહ યોજાશે. 4 ડિસેમ્બરે સવારે હંસિકા અને સોહેલની હલ્દી ફેરા થશે અને તે પછી સાંજે રિસેપ્શન જગ્યાએ રાત્રે કેસિનો થીમ આધારિત આફ્ટર-પાર્ટી સાથે થશે. અહેવાલ છે કે તેમના આ લગ્ન એકદમ રોયલ થવાના છે. જો કે હંસિકા દ્વારા આ અંગે કોઈ માહિતી શેર કરવામાં આવી નથી.
View this post on Instagram
કોણ છે સોહેલ કથુરિયા?
રિપોર્ટ્સ અનુસાર, સોહેલ અને હંસિકા લાંબા સમયથી મિત્રો છે. બંને લાંબા સમયથી એકબીજાને ડેટ કરી રહ્યા છે અને બંને એક જ કંપનીમાં ભાગીદાર છે. સોહેલ એક બિઝનેસમેન છે. બંને વર્ષ 2020 થી ઇવેન્ટ પ્લાનિંગ કંપની ચલાવી રહ્યા છે. આ દરમિયાન બંને પ્રેમમાં પડ્યા હતા. બંને લગભગ 2 વર્ષથી રિલેશનશિપમાં હતા અને આખરે લગ્ન કરવાનો નિર્ણય લીધો.
આપને જણાવી દઈએ કે હંસિકાએ હિન્દી ફિલ્મોમાં બાળ કલાકાર તરીકે પોતાની કારકિર્દીની શરૂઆત કરી હતી. વર્ષ 2003માં તે ટીવી સીરિયલ ‘શકા લાકા બૂમ બૂમ’માં શોનાના રોલમાં જોવા મળી હતી. આ પછી તે રિતિક રોશનની ફિલ્મ ‘કોઈ મિલ ગયા’માં જોવા મળી હતી. આ સિવાય તેણે હિમેશ રેશમિયા સાથે ફિલ્મ ‘આપકા સુરૂર’માં પણ કામ કર્યું છે.
આ પણ વાંચો:રાજ્યમાં નવા 127 મોબાઇલ પશુ દવાખાના શરૂ કરી 1,297 ગામોમાં સારવાર પૂરી પડાશે
આ પણ વાંચો:એલ્યુમિનિયમનું નવું ફ્લોરિંગ અને જૂના કેબલ બ્રિજ તૂટવાનું કારણ બન્યા
