IPL 2024: IPLમાં મુંબઈ ઈન્ડિયન્સના કેપ્ટન હાર્દિક પંડ્યા (Hardik Pandya)ની મુશ્કેલીઓ ઓછી થવાનું નામ નથી લઇ રહી. હવે તેને IPLની એક મેચ માટે BCCI તરફથી પ્રતિબંધનો સામનો કરવો પડ્યો છે. હકીકતમાં, લખનઉ સુપર જાયન્ટ્સ સામે રમાયેલી મેચમાં ધીમી ઓવર રેટના કારણે હાર્દિક પર એક મેચનો પ્રતિબંધ અને 30 લાખ રૂપિયાનો દંડ ફટકારવામાં આવ્યો છે. હાર્દિક પંડ્યાની કેપ્ટન્સીમાં મુંબઈ ઈન્ડિયન્સની ટીમ આ સિઝનમાં તેની તમામ લીગ સ્ટેજની મેચો રમી ચૂકી છે અને હવે તેણે આ સિઝનની મેચો રમવાની નથી, આવી સ્થિતિમાં હાર્દિક પંડ્યા આગામી સિઝનમાં તેની પ્રથમ મેચ ગુમાવશે અને તેને તે મેચમાં રમવાની તક નહીં મળે. વાસ્તવમાં, હાર્દિકની કેપ્ટન્સીમાં મુંબઈ ઈન્ડિયન્સની ટીમ આ સિઝનમાં બે મેચમાં ધીમી ઓવર રેટના નિયમોને તોડી ચૂકી છે. આવી સ્થિતિમાં, જો ટીમનો કેપ્ટન ત્રીજી વખત આવું કરે છે, તો તેના પર પ્રતિબંધ છે.
હાર્દિકની કેપ્ટનશીપમાં MIએ ખરાબ પ્રદર્શન કર્યું હતું
IPL 2024 માટે હાર્દિક પંડ્યાને મુંબઈ ઈન્ડિયન્સનો નવો કેપ્ટન બનાવવામાં આવ્યો હતો. તેના માટે મુંબઈ ઈન્ડિયન્સના મેનેજમેન્ટે રોહિત શર્માને કેપ્ટનશિપ પરથી હટાવી દીધો હતો. આ સિઝનમાં હાર્દિકની કપ્તાનીમાં ટીમનું પ્રદર્શન ઘણું નિરાશાજનક રહ્યું હતું. હાર્દિક પંડ્યાએ આ સિઝન સુધી કેપ્ટન તરીકે શાનદાર પ્રદર્શન કર્યું હતું, પરંતુ 2024માં તેની કપ્તાની હેઠળ મુંબઈ ઈન્ડિયન્સની ટીમ 14માંથી માત્ર ચાર મેચ જીતી શકી હતી અને પોઈન્ટ ટેબલમાં છેલ્લા સ્થાને રહી હતી. તેમને તેમના હોમ ગ્રાઉન્ડ પર લખનઉ સુપર જાયન્ટ્સ સામેની છેલ્લી મેચમાં પણ હારનો સામનો કરવો પડ્યો હતો.
કેવી રહી મેચ?
મુંબઈના વાનખેડે સ્ટેડિયમમાં મુંબઈ ઈન્ડિયન્સ અને લખનઉ સુપર જાયન્ટ્સ વચ્ચે રમાયેલી મેચમાં લખનઉની ટીમે 18 રને જીત મેળવી હતી. આ મેચમાં મુંબઈ ઈન્ડિયન્સની ટીમે ટોસ જીતીને પ્રથમ બોલિંગ કરવાનો નિર્ણય લીધો છે. પ્રથમ બેટિંગ કરતા લખનૌ સુપર જાયન્ટ્સની ટીમે 20 ઓવરની રમતના અંતે 6 વિકેટના નુકસાને 214 રન બનાવ્યા હતા. લક્ષ્યનો પીછો કરતી વખતે મુંબઈની ટીમ 20 ઓવરમાં 196 રન સુધી પહોંચાડવામાં સફળ રહી હતી.
આ પણ વાંચો:ભારતના સ્ટાર ફૂટબોલર કેપ્ટન સુનીલ છેત્રીએ કરી નિવૃત્તિની જાહેરાત, આંતરરાષ્ટ્રીય ફૂટબોલને કરશે અલવિદા
આ પણ વાંચો:IPL 2024: પ્લે ઓફની ટિકિટો ક્યાંથી મળશે તે જાણો
આ પણ વાંચો:LSGના કેપ્ટન કે.એલ.રાહુલ માટે સંજીવ ગોયન્કાએ કર્યું ડિનરનું આયોજન, અથિયા શેટ્ટીએ શેર કરી પોસ્ટ
આ પણ વાંચો:IPL માં મુંબઈ ઇન્ડિયન્સ અને લખનૌ સુપર જાયન્ટ્સ વચ્ચે વાનખેડે સ્ટેડિયમમાં મહા મુકાબલો
