India Weather News: દેશભરમાં ગરમી(Hot Weather)નો પ્રકોપ વધવા લાગ્યો છે. હવામાન વિભાગ (IMD) એ ચેતવણી જારી કરી છે કે 19 માર્ચથી એક નવું પશ્ચિમી વિક્ષેપ સક્રિય થશે. તેની અસરને કારણે 15 થી વધુ રાજ્યોમાં તોફાન, વરસાદ અને હિમવર્ષા (Snowfall) થશે. 9 રાજ્યોમાં તીવ્ર ગરમીની શક્યતા છે. ઓડિશામાં ભારે ગરમીની આગાહી કરવામાં આવી છે કારણ કે રાજ્યમાં તાપમાન પહેલાથી જ 40 ડિગ્રીથી ઉપર છે.
હવામાન વિભાગના જણાવ્યા અનુસાર, આગામી અઠવાડિયાથી દિલ્હી-એનસીઆરમાં ગરમીનો પ્રકોપ શરૂ થશે. આજે, 17 માર્ચે, રાજધાનીમાં આકાશ સ્વચ્છ છે અને પવન ફૂંકાઈ રહ્યો નથી. આવતીકાલથી ઠંડો પવન (Cold wind) ફૂંકાય તેવી શક્યતા છે. આજે દિલ્હીમાં મહત્તમ તાપમાન 28.56 ડિગ્રી સેલ્સિયસ નોંધાયું છે. હવામાં ભેજનું પ્રમાણ 21% નોંધાયું છે અને પવનની ગતિ 21 કિમી પ્રતિ કલાક રહી છે.
ઉત્તર પાકિસ્તાન અને નજીકના જમ્મુ પ્રદેશ પર સમુદ્ર સપાટીથી 3.1 થી 5.8 કિમીની ઊંચાઈએ એક વેસ્ટર્ન ડિસ્ટર્બન્સ (Western Disturbance)ની અસર વર્તાઈ રહી છે, જેનું કેન્દ્ર સમુદ્ર સપાટીથી 7.6 કિમી ઉપર છે. હરિયાણા અને ઉત્તરપશ્ચિમ મધ્યપ્રદેશ પર સમુદ્ર સપાટીથી 1.5 કિમી ઉપર હવાનું ચક્રવાતી પરિભ્રમણનાં કારણે વેસ્ટર્ન ડિસ્ટર્બન્સ સર્જાવાની સંભાવનાઓ છે. ઉત્તરપૂર્વ આસામ અને તેની આસપાસના વિસ્તારોમાં ચક્રવાતી પવનો ફૂંકાઈ રહ્યા છે. વાતાવરણમાં ઠંડક પ્રસરાઈ ગઈ છે.
IMDએ ઓડિશામાં ભીષણ ગરમીનું રેડ એલર્ટ (Red Alert) જારી કર્યું છે. ઉપરાંત, ઝારખંડ, પશ્ચિમ બંગાળ, વિદર્ભ પ્રદેશ, ઉત્તર તેલંગાણા, છત્તીસગઢ અને ઉત્તર કર્ણાટકમાં ગરમીનો પારો ઊંચે રહેવાની શક્યતા છે. ઓડિશાના વિવિધ ભાગોમાં રાત્રે ગરમી પડી શકે છે. આગામી 5 દિવસ સુધી ગુજરાતના દરિયાકાંઠાના વિસ્તારોમાં હવામાન ગરમ અને ભેજવાળું રહેવાની શક્યતા છે.
પૂર્વ ભારતમાં આગામી 7 દિવસ સુધી અરુણાચલ પ્રદેશમાં વાવાઝોડા (Cyclone) સાથે છૂટાછવાયા વરસાદની શક્યતા છે. આસામ, મેઘાલય અને નાગાલેન્ડમાં ગાજવીજ અને વીજળી સાથે વરસાદ પડશે. આગામી 5 દિવસમાં મણિપુર, મિઝોરમ, ત્રિપુરામાં છૂટાછવાયા વરસાદની શક્યતા છે. સિક્કિમમાં વાવાઝોડા, વીજળી પડવી, કરા અને ભારે પવન સાથે હળવાથી મધ્યમ વરસાદ પડી શકે છે.
જમ્મુ-કાશ્મીર, હિમાચલ પ્રદેશ અને ઉત્તરાખંડમાં વાવાઝોડા સાથે વરસાદ અને હિમવર્ષા થઈ શકે છે. પંજાબ, હરિયાણા, ઉત્તર પ્રદેશ અને રાજસ્થાનમાં ગાજવીજ સાથે હળવો વરસાદ પડી શકે છે. 30-40 કિમીની ઝડપે ભારે પવન ફૂંકાય તેવી શક્યતા છે. 20 થી 23 માર્ચ દરમિયાન પૂર્વ મધ્ય ભારતમાં વાવાઝોડા, વીજળીના કડાકા અને ભારે પવન સાથે છૂટાછવાયા વરસાદની સંભાવના છે.
આ પણ વાંચો:
આ પણ વાંચો:
આ પણ વાંચો:
