અમદાવાદ શહેરના પટવા શેરી વિસ્તારના પાનકોર નાકા નજીક આવેલી હુસેની બેકરી પાસે બે મકાન ધરાશાયી થયા હોવાના અહેવાલ મળી રહ્યા છે. મળતી વિગતો મુજબ આ બંને મકાનો વર્ષો જુના હતા. તેમજ બંધ હાલતમાં હતા.
આ વિષે મકાન માલિક યાસીનભાઈ નૂરભાઈ અને યુસુફભાઇ નૂરભાઈ સાથે વાતચીત કરતા જાણવા મળ્યું કે તેમણે બપોરના 1:30 વાગ્યે ફાયર બ્રિગેડને આ ઘટના વિષે જાણ કરી હતી. તેમ છતાં ફાયર બ્રિગેડનો કાફલો સમયસર પહોંચી શક્યો નહતો. ફાયર બ્રિગેડ દ્વારા ફક્ત એક નાની ગાડી મોકલવામાં આવી હતી.
જોકે, આ દુર્ઘટનામાં કોઈ જાનહાની થઇ હોવાનું જાણવા મળેલ નથી. કારંજ પોલીસનો કાફલો ઘટનાસ્થળે દોડી આવ્યો હતો. આસપાસના લોકોને વીજ કરંટ ન લાગે તે હેતુથી ધરાશાયી થયેલા બંને મકનોમાંથી વીજળી કનેક્શન કાપી દેવામાં આવ્યું હતું.
