Gujarat Weather: SEOCના અહેવાલ મુજબ ગુજરાતમાં છેલ્લા 24 કલાક દરમિયાન રાજ્યભરના 33 જિલ્લાના 120 તાલુકાઓમાં હળવો થી ભારે વરસાદ પડ્યો છે. જેમાં છેલ્લા 24 કલાક દરમિયાન રાજ્યમાં સૌથી વધુ વરસાદ તાપીના કુકરમુંડા તાલુકામાં 2.40 ઇંચ અને નિઝરમાં 2.05 ઇંચ નોંધાયો છે.
આ સિવાય છેલ્લા 24 કલાકમાં સુરતના ઉમરપાડામાં 1.57 ઇંચ, નર્મદાના સગાબારામાં 1.47 ઇંચ અને જામનગરમાં 1.1 ઇંચ વરસાદ પડ્યો છે. જ્યારે સુરેન્દ્રનગરના વઢવાણ, દસાડા, મૂળી, લખતર, વાંકાનેર, ટંકારા, મોરબી શહેર, ભાવનગર, ધંધુકા, તિલકવાડા, જેસર અને મોરબીના નેતરંગમાં એક ઇંચથી ઓછો વરસાદ પડ્યો છે.આ ઉપરાંત, ભારતીય હવામાન વિભાગ (IMD) એ ગુજરાતના દરિયાકાંઠાના વિસ્તારોના માછીમારોને 7 થી 10 જુલાઈ 2025 સુધી દરિયામાં ન જવા ચેતવણી આપી છે.
આપને જણાવી દઈએ આ વખતે, ગુજરાત ખાસ કરીને મેઘમહેરથી પ્રભાવિત થયું છે. દક્ષિણ ગુજરાતમાં આ સિઝનનો 47 ટકા વરસાદ નોંધાયો છે, જે સરેરાશ 28 ઇંચ છે. તે જ સમયે, સૌરાષ્ટ્રમાં 44 ટકા, પૂર્વ મધ્ય ગુજરાતમાં 42.42 ટકા, કચ્છમાં 42 ટકા અને ઉત્તર ગુજરાતમાં 39 ટકા વરસાદ પડ્યો છે. જિલ્લામાં, વલસાડમાં સૌથી વધુ 38.50 ઇંચ, ડાંગમાં 31.70 ઇંચ અને સુરતમાં 28.50 ઇંચ વરસાદ પડ્યો છે. જિલ્લાવાર, પાટણમાં સૌથી ઓછો 4.52 ઇંચ વરસાદ પડ્યો છે.
વલસાડ જિલ્લાના કપરાડા તાલુકામાં અત્યાર સુધીનો સૌથી વધુ 50.50 ઇંચ વરસાદ પડ્યો છે. આ ઉપરાંત તાપીના ડોલવણમાં 44 ઇંચ, નવસારીના ખેરગામમાં 43.50 ઇંચ વરસાદ નોંધાયો છે. પાટણના સાંખેશ્વરમાં સૌથી ઓછો 3.30 ઇંચ વરસાદ પડ્યો છે. અત્યાર સુધીમાં 50 તાલુકામાં 20 ઇંચથી વધુ વરસાદ પડ્યો છે. જેમાંથી 8 તાલુકામાં 8 ઇંચથી વધુ વરસાદ પડ્યો છે. આ વર્ષે જૂનમાં રેકોર્ડ 12 ઇંચ વરસાદ નોંધાયો હતો. હવે આ વખતે જુલાઈમાં પણ રેકોર્ડ બ્રેક વરસાદ પડી શકે છે. ગયા વર્ષે જુલાઈમાં 19.72 ઇંચ વરસાદ પડ્યો હતો.
આ પણ વાંચો:રાજ્યમાં 15 જુલાઈથી ભારેથી અતિ ભારે વરસાદની આગાહી, કેટલાક વિસ્તારોમાં યલો એલર્ટ અપાયું
આ પણ વાંચો:ભારે વરસાદને કારણે પહાડી રાજ્યોની સ્થિતિ ખરાબ, ઉત્તરાખંડમાં ચારધામ યાત્રા સતત ખોરવાઈ
આ પણ વાંચો:અમદાવાદમાં અવિરત વરસાદ, ગુજરાતના 204 તાલુકામાં વરસાદ, ભિલોડામાં સૌથી વધુ 6.6 ઈંચ
