Trip Planing :જો તમે પણ એવા લોકોમાંથી છો જેઓ કેલેન્ડર બદલાય કે તરત જ સૌથી પહેલા ‘રજાઓ (Holidays ) ક્યારે આવે છે’ તે ચેક કરે છે, તો વર્ષ 2026 તમારા માટે ખુશીઓનો ખજાનો લઈને આવ્યું છે. સામાન્ય રીતે નોકરી કરતા લોકોની ફરિયાદ હોય છે કે ફરવા માટે રજાઓ ((Holidays) મળતી નથી. પણ આ વર્ષે કેલેન્ડર કંઈક એવી રીતે ગોઠવાયું છે કે તમને એક-બે નહીં, પણ પૂરા 9 લોંગ વીકએન્ડ (Long Weekends) મળવાના છે.
‘સ્માર્ટ લીવ પ્લાનિંગ’ (Smart Leave Planning) કરીને તમે તમારી ઓફિસની રજાઓ બચાવીને પણ લાંબી ટ્રીપ માણી શકશો. ઘણા તહેવારો શુક્રવાર કે સોમવારે આવતા હોવાથી શનિ-રવિની રજાઓ (Holidays) સાથે જોડીને તમને સળંગ 3 થી 4 દિવસનો આરામ મળશે. ચાલો જોઈએ આખા વર્ષનું હોલિડે કેલેન્ડર.
નવા વર્ષની શરૂઆત (New Year):
1–7 જાન્યુઆરી (વીતી ગયું) વર્ષની શરૂઆત જ ધમાકેદાર રહી. 1 જાન્યુઆરી (ગુરુવાર) રજા હતી. જે લોકોએ 2 જાન્યુઆરી (શુક્રવાર) ની રજા લીધી, તેમને શનિ-રવિ સાથે મળીને સળંગ 4 દિવસ મળ્યા. (નોંધ: આ વીકએન્ડ જતો રહ્યો છે, પણ શરૂઆત સારી થઈ છે)
ગણતંત્ર દિવસ (Republic Day):
24–26 જાન્યુઆરી (આવનારું વેકેશન) હવે તૈયાર થઈ જાઓ જાન્યુઆરીના બીજા વેકેશન માટે.
24 જાન્યુઆરી (શનિવાર) અને 25 જાન્યુઆરી (રવિવાર) પછી તરત જ 26 જાન્યુઆરી (સોમવાર) ગણતંત્ર દિવસ છે.
ક્યાં જઈ શકાય?: આ 3 દિવસમાં તમે કચ્છનું સફેદ રણ, માઉન્ટ આબુ કે ઉદેપુરનો પ્લાન બનાવી શકો છો. અત્યારે ત્યાંનું વાતાવરણ ખુશનુમા હશે.
ગુડ ફ્રાઈડે (Good Friday):
3–5 એપ્રિલ એપ્રિલ મહિનાની ગરમી શરૂ થાય તે પહેલાં એક નાનકડી ટ્રીપ.
3 એપ્રિલ (શુક્રવાર) ગુડ ફ્રાઈડેની રજા (Holidays)છે. ત્યારબાદ શનિવાર અને રવિવારની રજા (Holidays) મળે છે. એટલે કે કોઈ પણ રજા લીધા વગર સળંગ 3 દિવસ.
ક્યાં જઈ શકાય?: મહાબળેશ્વર, સાપુતારા અથવા દમણ-દીવ માટે આ સમય શ્રેષ્ઠ છે.
મજૂર દિવસ / બુદ્ધ પૂર્ણિમા:
1–3 મે મે મહિનાની કાળઝાળ ગરમીમાં રાહત મેળવવાનો મોકો. 1 મે (શુક્રવાર) ના રોજ મહારાષ્ટ્ર/ગુજરાત સ્થાપના દિવસ અને મજૂર દિવસ છે. તેની સાથે શનિ-રવિ જોડાશે.
ક્યાં જઈ શકાય?: ગરમીથી બચવા માટે મનાલી, શિમલા અથવા નજીકમાં પંચમઢી જેવા હિલ સ્ટેશનનો પ્લાન બનાવી શકાય.
મહોરમ (Moharram):
26–28 જૂન ચોમાસાની શરૂઆતમાં કુદરતને માણવાનો સમય. 26 જૂન (શુક્રવાર) મહોરમની રજા છે. તેની સાથે 27-28 જૂન (શનિ-રવિ) મળશે.
ક્યાં જઈ શકાય?: લોનાવાલા, ઈગતપુરી કે સ્ટેચ્યુ ઓફ યુનિટી. વરસાદની શરૂઆતમાં આ જગ્યાઓ સોળે કળાએ ખીલી ઉઠે છે.
સ્વતંત્રતા દિવસ (Independence Day):
15–17 ઓગસ્ટ દેશભક્તિ અને પ્રવાસનો સંગમ. 15 ઓગસ્ટ શનિવારે આવે છે અને 16 ઓગસ્ટ રવિવાર છે. જો તમે 17 ઓગસ્ટ (સોમવાર) એક રજા લઈ લો (ઘણી જગ્યાએ પારસી ન્યૂ યરની રજા હોઈ શકે છે), તો 3 દિવસ મળી શકે છે.
ક્યાં જઈ શકાય?: ગોવા અથવા દક્ષિણ ભારતના પ્રવાસે જવા માટે આ સારો સમય છે.
જન્માષ્ટમી (Janmashtami):
4–6 સપ્ટેમ્બર તહેવારની મજા અને વેકેશન. 4 સપ્ટેમ્બર (શુક્રવાર) જન્માષ્ટમીની રજા (Holidays)છે. ત્યારબાદ શનિ-રવિની રજા છે.
ક્યાં જઈ શકાય?: મથુરા-વૃંદાવન અથવા દ્વારકા. કૃષ્ણ જન્મોત્સવ માણવા માટે આનાથી રૂડું બીજું શું હોય?
ગાંધી જયંતિ (Gandhi Jayanti):
2–4 ઓક્ટોબર ઓક્ટોબર હીટમાં ઠંડક મેળવવા માટે. 2 ઓક્ટોબર (શુક્રવાર) ગાંધી જયંતિ છે. ત્યારબાદ 3-4 ઓક્ટોબર શનિ-રવિ આવે છે.
ક્યાં જઈ શકાય?: ગીર નેશનલ પાર્ક (જો ખૂલી ગયું હોય તો) અથવા જેસલમેરની ટ્રિપ પ્લાન કરી શકાય.
નાતાલ Holidays (Christmas):
25–27 ડિસેમ્બર વર્ષનો અંત શાનદાર રીતે કરો. 25 ડિસેમ્બર (શુક્રવાર) નાતાલ છે. ત્યારબાદ શનિ-રવિની રજા.
ક્યાં જઈ શકાય?: ગોવા કાર્નિવલ અથવા રણ ઉત્સવ. વર્ષ પૂરું કરવા માટે આ બેસ્ટ જગ્યાઓ છે.
ટ્રાવેલ ટિપ્સ (Pro Tips)
વહેલું બુકિંગ: આ તારીખો બધાને ખબર છે, તેથી હોટલ અને ટિકિટો મોંઘી થઈ શકે છે. બને તો 2-3 મહિના પહેલા બુકિંગ કરાવી લો.
ઓફ-બીટ લોકેશન: ભીડભાડથી બચવા માટે પ્રખ્યાત ટુરિસ્ટ પ્લેસને બદલે નજીકના કોઈ શાંત ગામડા કે રિસોર્ટની પસંદગી કરો.
વર્ષ 2026 તમને ઓફિસના કામમાંથી બ્રેક લેવાની પૂરતી તકો આપી રહ્યું છે. બસ જરૂર છે થોડાક સ્માર્ટ પ્લાનિંગની. તો રાહ કોની જુઓ છો? કેલેન્ડરમાં માર્ક કરો અને નીકળી પડો!
આ પણ વાંચો: નવું વર્ષ, નવી યાદો: કપલ્સ માટે રોમેન્ટિક અને મજા ભર્યા પ્લાન્સ
