Hormuz Strait News: હોર્મુઝ સ્ટ્રેટમાં એક મોટી દરિયાઈ ઘટના (Hormuz Strait Oil Tanker Explosion) સામે આવી હોવાનું ઈરાની મીડિયાએ દાવો કર્યો છે. અહેવાલો અનુસાર, હોર્મુઝ સ્ટ્રેટમાંથી પસાર થઈ રહેલું એક તેલ ટેન્કર દરિયાઈ ખાણ (Sea Mine) સાથે અથડાતા તેમાં જોરદાર વિસ્ફોટ થયો હતો. જણાવવામાં આવી રહ્યું છે કે ટેન્કર તેના નિર્ધારિત દરિયાઈ માર્ગ પરથી ભટકી જતાં આ દુર્ઘટના સર્જાઈ હતી.
હોર્મુઝની સ્ટ્રેટમાંથી પસાર થઈ રહેલા એક ઓઈલ ટેન્કરમાં દરિયાઈ ખાણ (Sea Mine) સાથે અથડાયા બાદ વિસ્ફોટ થયો હોવાનો દાવો ઈરાની સમાચાર એજન્સીએ કર્યો છે. અહેવાલ મુજબ, ટેન્કર તેના નિર્ધારિત દરિયાઈ માર્ગ પરથી ભટકી ગયું હતું, જેના કારણે તે ખાણ સાથે અથડાયું અને ત્યારબાદ જોરદાર વિસ્ફોટ થયો હતો.
પ્રાથમિક માહિતી અનુસાર, ઘટના હોર્મુઝની સ્ટ્રેટમાં બની હતી, જે વિશ્વના સૌથી વ્યૂહાત્મક અને વ્યસ્ત સમુદ્રી માર્ગોમાંની એક માનવામાં આવે છે. વૈશ્વિક તેલ પુરવઠાનો મોટો હિસ્સો આ જળમાર્ગમાંથી પસાર થતો હોવાથી અહીં બનતી કોઈપણ ઘટના આંતરરાષ્ટ્રીય બજારો અને ઊર્જા સુરક્ષા માટે મહત્વપૂર્ણ માનવામાં આવે છે.
હાલ સુધી ઘટનામાં જાનહાનિ, ટેન્કરને થયેલા નુકસાન અથવા તેલ લીકેજ અંગે કોઈ સત્તાવાર માહિતી જાહેર કરવામાં આવી નથી. તેમજ ઈરાની મીડિયાના આ દાવાની અન્ય સ્વતંત્ર અથવા આંતરરાષ્ટ્રીય સ્ત્રોતો દ્વારા હજુ સુધી પુષ્ટિ કરવામાં આવી નથી.
આ પણ વાંચો: અમેરિકા પર ભડક્યા ઈરાનના નેતા મોજતબા ખામેનેઈ: કહ્યું ‘ટ્રમ્પના હસ્તાક્ષરની કોઈ કિંમત નથી’
આ પણ વાંચો: ટ્રમ્પે ઈરાન પર નવા હુમલાઓ રોક્યા, યુદ્ધ નહીં પરંતુ વાટાઘાટોને આપી પ્રાથમિકતા
