Weather News: આ વર્ષ હવામાનના ડેટાનું (Weather) રેકોર્ડિંગ શરૂ થયું ત્યારથી અત્યાર સુધીના ઇતિહાસનું સૌથી ગરમ વર્ષ બનવા જઈ રહ્યું છે. તાપમાનમાં વધારાની આ અસર 2025ના શરૂઆતના મહિનાઓમાં પણ જોવા મળે તેવી શક્યતા છે. યુરોપિયન યુનિયનના વૈજ્ઞાનિકો દ્વારા બહાર પાડવામાં આવેલ કોપરનિકસ ક્લાઈમેટ ચેન્જ સર્વિસ (C3S)ના ડેટામાંથી આ માહિતી મળી છે.
રિપોર્ટમાં કહેવામાં આવ્યું છે કે જાન્યુઆરીથી નવેમ્બર સુધીના એકત્ર કરેલા ડેટાએ પુષ્ટિ કરી છે કે 2024 હવે રેકોર્ડ પર સૌથી ગરમ વર્ષ છે. આ વર્ષ પણ 1850 થી 1900 ના પૂર્વ-ઔદ્યોગિક સમયગાળા કરતા સરેરાશ વૈશ્વિક તાપમાન 1.5 ડિગ્રી સેલ્સિયસ વધુ સાથે પ્રથમ વર્ષ બન્યું.
અગાઉ, 2023 ઇતિહાસમાં સૌથી ગરમ વર્ષ (Hottest year) તરીકે નોંધવામાં આવ્યું હતું. જ્યારે નવેમ્બર 2023 પછી નવેમ્બર 2024 ઇતિહાસમાં સૌથી ગરમ મહિના તરીકે નોંધવામાં આવ્યો હતો. આ વર્ષે ભારે હવામાનની ઘણી ઘટનાઓ જોવા મળી હતી.
તેમાં ઇટાલી અને દક્ષિણ અમેરિકામાં ભયંકર દુષ્કાળ, નેપાળ, સુદાન અને યુરોપમાં ભયંકર પૂર, મેક્સિકો, માલી અને સાઉદી અરેબિયામાં હજારો લોકો માર્યા ગયેલા હીટવેવ્સ તેમજ યુએસ અને ફિલિપાઇન્સમાં વિનાશકારી ચક્રવાતનો સમાવેશ થાય છે. વૈજ્ઞાનિકોએ આ તમામ કુદરતી આફતો (Natural Calamity) પાછળ માનવીની ભૂમિકા દર્શાવી છે.
આ પણ વાંચો:નોસ્ટ્રાડેમસની 2025ની સૌથી મોટી આગાહી, કુદરતી આફતોનો કરવો પડશે સામનો
આ પણ વાંચો:જળવાયુ પરિવર્તન અને કુદરતી આફતોએ ભારત અને એશિયામાં સર્જયો વિનાશ
આ પણ વાંચો:તુર્કીના ભૂકંપથી લઈને લિબિયાના પૂર સુધી, આ વર્ષની 10 સૌથી ખરાબ કુદરતી આફતો
