Entertainment News: બોલિવૂડના પ્રખ્યાત સંગીતકાર અને ‘ડિસ્કો કિંગ’ તરીકે જાણીતા બપ્પી લાહરીનું વર્ષ 2022માં નિધન થયું હતું. લાંબા સમયથી તેઓ Sleep Apnea સહિત અનેક સ્વાસ્થ્ય સમસ્યાઓથી પીડાઈ રહ્યા હતા. હોસ્પિટલમાંથી ડિસ્ચાર્જ થયા બાદ માત્ર એક જ દિવસમાં તેમની તબિયત ફરી બગડી અને હોસ્પિટલમાં સારવાર દરમિયાન તેમનું અવસાન થયું. ચાલો જાણીએ તેમના અંતિમ 24 કલાક અને સ્લીપ એપિનિયા કેટલી ગંભીર બીમારી છે.
Sleep Apnea કેવી રીતે બન્યું મૃત્યુનું કારણ?
ડૉક્ટરોના જણાવ્યા મુજબ બપ્પી લાહરીનું નિધન (Death) ઓબ્સ્ટ્રક્ટિવ સ્લીપ એપ્નિયાના કારણે થયું હતું. આ એક એવી ગંભીર બીમારી છે જેમાં ઊંઘ દરમિયાન ગળાની સ્નાયુઓ ઢીલી પડી જતાં શ્વાસ લેવામાં વારંવાર અવરોધ સર્જાય છે. ઘણી વખત દર્દી થોડા સમય માટે શ્વાસ લેવાનું બંધ કરી દે છે, જેના કારણે હૃદય અને મગજ પર ગંભીર અસર પડી શકે છે.
હોસ્પિટલમાંથી ઘરે આવ્યા પછી શું થયું?
બપ્પી લાહરી (Bappi Lahiri)ને જાન્યુઆરી 2022માં છાતીમાં ચેપ અને અન્ય સ્વાસ્થ્ય સમસ્યાઓને કારણે હોસ્પિટલમાં દાખલ કરવામાં આવ્યા હતા. લગભગ 25 દિવસની સારવાર બાદ 14 ફેબ્રુઆરીએ તેઓ ઘરે પરત ફર્યા હતા. પરંતુ બીજા જ દિવસે તેમની તબિયત અચાનક બગડી ગઈ. પરિવારજનોએ તેમને ફરી હોસ્પિટલમાં દાખલ કર્યા, જ્યાં સારવાર દરમિયાન 15 ફેબ્રુઆરીની રાત્રે તેમણે અંતિમ શ્વાસ લીધા.
ડિસ્કો કિંગ તરીકે મેળવી અનોખી ઓળખ
બપ્પી લાહરી (Singer)એ ભારતીય ફિલ્મ સંગીતમાં ડિસ્કો સંગીતને લોકપ્રિય બનાવવામાં મહત્વનું યોગદાન આપ્યું હતું. ગળામાં સોનાની ચેન, હાથમાં વીંટીઓ અને અલગ અંદાજ તેમની આગવી ઓળખ બની હતી. 70 અને 80ના દાયકામાં તેમણે અનેક સુપરહિટ ગીતો આપ્યા, જે આજે પણ લોકોમાં લોકપ્રિય છે. તેમના સંગીતને ભારત ઉપરાંત વિદેશોમાં પણ ખૂબ પસંદ કરવામાં આવ્યું હતું.
Sleep Apneaને સામાન્ય નસકોરાં સમજીને અવગણશો નહીં
સ્લીપ એપિનિયાના દર્દીઓમાં જોરદાર નસકોરાં, ઊંઘ દરમિયાન વારંવાર શ્વાસ અટકવો, દિવસ દરમિયાન થાક લાગવો અને એકાગ્રતા ઘટવી જેવા લક્ષણો જોવા મળે છે. જો સમયસર સારવાર ન મળે તો હાઈ બ્લડ પ્રેશર, હૃદયરોગ, સ્ટ્રોક અને અચાનક મૃત્યુ જેવી ગંભીર સ્થિતિ સર્જાઈ શકે છે. તેથી આવા લક્ષણો જણાય તો તાત્કાલિક નિષ્ણાત ડૉક્ટરની સલાહ લેવી જરૂરી છે.
આ પણ વાંચો:બપ્પાએ કહ્યું શું કરશે તેના પિતા બપ્પી લાહિરીના ગોલ્ડ કલેક્શન સાથે, કહ્યું- અમે આને લોકોને…
આ પણ વાંચો:બપ્પી લાહિરીને શબ્દરૂપી શ્રદ્ધાંજલી..
આ પણ વાંચો:અંતિમ સંસ્કાર માટે સેલેબ્સ પહોંચ્યા બપ્પી લાહિરીના ઘરે, ગુરુવારે થશે અંતિમ સંસ્કાર
