આમ તો દાળમાં પુષ્કળ પ્રમાણમાં પ્રોટીન રહેલું હોય છે. પરંતુ ઘણા ઘરોમાં રોજરોજ દાળ-ભાત નથી બનતા, તો ઘણા લોકોના ઘરે દરરોજ દાળ-ભાત બનતા હોય છે, કારણ કે તેમને દાળ-ભાત ખાધા વગર સંતોષ જ  નથી મળતો. ત્યારે તો ચાલો જાણી લો આ લાલ મસૂરની તડકા દાળ માટેની Recipe..

લાલ મસૂર તડકા દાળ બનાવવા માટેની સામગ્રી:

1 બાઉલ લાલ મસૂરની દાળ
2 નંગ ચોપ ટામેટાં
2 દાલચીની
4 એક લવીંગ
3 ચમચી તેલ
રાઇ
હીંગ
હળદર
કઢી પતા
2 ચમચી આદુ છીણ
2 ચમચી ઘાણા પાવડર
2 ચમચી ચોપ લીલા મરચાં
2 નંગ ચોપ કાંદા
મીઠું
1 ચમચી જીરું પાવડર
1 ચમચી મરચું પાવડર
2 ચમચી લીંબુનો રસ
કોથમીર

વઘાર માટે-
2 ચમચી ઘીમાં જીરું
2 ચમચી ચોપ લસણ
મીઠો લીમડો
લાલ સૂકા મરચા
કોથમીર

લાલ મસૂર તડકા દાળ બનાવવા માટેની રીત:

– સૌ પ્રથમ કુકરને લઈને તેમાં ધોઈને સાફ કરેલી લાલ મસૂર દાળ લઈ તેમાં 2 નંગ ચોપ ટામેટાં, 2 તજ,  4 એક લવીંગ અને જરૂર પ્રમાણે પાણી  ઉમેરી મીડીયમ ફ્લેમ પર 2 વ્હીસલ વગાડી લો.

– ત્યારબાદ પેન માં 3 ચમચી તેલ લઈ તેમાં રાઇ, હીંગ, હળદર, મીઠો લીમડો, 2 ચમચી આદુ છીણ, 2 ચમચી ઘાણા પાવડર, 2 ચમચી ઝીણાં સમારેલા લીલા મરચાં ઉમેરી સાંતળી લો.પછી તેમાં 2 નંગ ચોપ કાંદા એડ કરી ગુલાબી થાય ત્યાં સુધી સાંતળી લો. પછી તેમાં મીઠું, 1 ચમચી જીરું પાવડર, 1 ચમચી મરચું પાવડર નાખી સાંતળીને તેમાં બાફીને તૈયાર કરેલી દાળ અને થોડું પાણી ઉમેરો. પછી તેમાં 2 ચમચી લીંબુનો રસ અને કોથમીર ઉમેકી ઉકાળે એટલે તેમાં નીચે મુજબ સામગ્રી લઈ વધાર કરી લો.

વધાર માટે- સહેજ ઘી ગરમ કરી તેમાં જીરું અને લસણ તતડાવો. પછી તેમાં મીઠો લીમડો અને લાલ સૂકા મરચા ઉમેરી આ વઘાર દાળમાં રેડો. તો તૈયાર છે સ્વાદિષ્ટ દાળ.. તેને કોથમીરથી ગાર્નિશ કરી ગરમાગરમ સર્વ કરો.