Travel Guide :ગુજરાતના સમુદ્ર કિનારે આવેલું સોમનાથ મહાદેવનું મંદિર (Somnath Temple) સનાતન ધર્મની અતૂટ આસ્થાનું જીવંત પ્રતીક છે. આ પવિત્ર જ્યોતિર્લિંગનો ઈતિહાસ ગૌરવવંતો રહ્યો છે.

મહમદ ગઝનવીના આક્રમણો અને લૂંટફાટ છતાં, આ મંદિર દરેક વખતે રાખમાંથી બેઠું થયું છે અને આજે ભવ્ય રીતે શોભી રહ્યું છે. દર વર્ષે લાખો શ્રદ્ધાળુઓ અહીં ભોલેનાથના ચરણોમાં શીશ ઝુકાવવા આવે છે.

જો તમે પણ સોમનાથ જવાનું પ્લાનિંગ કરી રહ્યા હોવ, તો કેવી રીતે પહોંચવું અને ક્યાં રોકાવું તેની સંપૂર્ણ વિગત અહીં વાંચો.

કેવી રીતે પહોંચવું? (How to Reach)

સોમનાથ પહોંચવા માટે ટ્રેન અને બસ બંને સુવિધાઓ ઉપલબ્ધ છે.

ટ્રેન દ્વારા: સૌથી નજીકનું સ્ટેશન ‘સોમનાથ’ છે, જે મંદિરથી માત્ર 1.4 થી 2.6 કિલોમીટર દૂર છે. બીજું મુખ્ય સ્ટેશન ‘વેરાવળ’ છે, જે મંદિરથી આશરે 5 થી 7 કિમીના અંતરે છે. અમદાવાદ, રાજકોટ અને મુંબઈથી અહીં આવવા માટે ડાયરેક્ટ ટ્રેનો મળી રહે છે. સ્ટેશનથી મંદિર જવા માટે ઓટો અને રિક્ષા સરળતાથી મળી જાય છે.

બાય રોડ (બસ): ગુજરાત એસ.ટી. (GSRTC) અને ખાનગી બસો દ્વારા પણ અહીં પહોંચી શકાય છે. અમદાવાદ, રાજકોટ, જૂનાગઢ અને દ્વારકાથી સોમનાથ માટે ઘણી બસો ઉપલબ્ધ છે. બસ સ્ટેન્ડ પણ મંદિરથી નજીક જ છે.

રોકાવા માટેની વ્યવસ્થા અને ખર્ચ (Accommodation & Cost)

સોમનાથ (Somnath Temple) માં દરેક બજેટના પ્રવાસીઓ માટે રોકાણની સુવિધા છે.

બજેટ ઓપ્શન (સસ્તું): મંદિર ટ્રસ્ટ દ્વારા સંચાલિત ‘ભક્ત નિવાસ’ અને ધર્મશાળાઓમાં તમને ₹200 થી ₹500 માં સાધારણ પણ સ્વચ્છ રૂમ મળી જશે.

મિડ-રેન્જ: વેરાવળ અને સોમનાથ (Somnath Temple) ની આસપાસ ઘણી લોજ અને ગેસ્ટ હાઉસ છે, જ્યાં ₹500 થી ₹800 માં રોકાઈ શકાય છે.

લક્ઝરી: જો તમે સુખ-સુવિધા અને દરિયા કિનારાના વ્યૂ સાથે રહેવા માંગતા હોવ, તો અહીં સારી હોટેલ્સ અને રિસોર્ટ્સ પણ છે, જેનું ભાડું ₹2000 થી ₹5000 કે તેથી વધુ હોઈ શકે છે.

દર્શન અને આરતીનો સમય (Somnath Temple)

મંદિર ભક્તો માટે સવારે 6:00 થી રાત્રે 9:00 સુધી ખુલ્લું રહે છે.

સવારની આરતી: 7:00 વાગ્યે

બપોરની આરતી: 12:00 વાગ્યે

સાંજની આરતી: 7:00 વાગ્યે

ખાસ આકર્ષણ: લાઈટ એન્ડ સાઉન્ડ શો

સાંજની આરતી પછી મંદિરના પટાંગણમાં ભવ્ય ‘લાઈટ એન્ડ સાઉન્ડ શો’ યોજાય છે. જેમાં અમિતાભ બચ્ચનના અવાજમાં સોમનાથ મંદિર (Somnath Temple) નો ગૌરવશાળી ઈતિહાસ અને તેના પુનઃનિર્માણની ગાથા રજૂ કરવામાં આવે છે. આ શો જોવાનું ચૂકતા નહીં.

સોમનાથ (Somnath Temple) ની યાત્રા તમે 1 થી 2 દિવસમાં ખૂબ જ આરામથી અને ઓછા ખર્ચમાં પૂર્ણ કરી શકો છો. અહીંના દરિયા કિનારે બેસીને શિવજીનું ધ્યાન ધરવાનો અનુભવ તમને જીવનભર યાદ રહેશે.

આ પણ વાંચો: સવારે શાંતિ અને સાંજ  રોનક! વારાણસીથી મુંબઈ સુધીના આ 5 સ્થળોના બે અલગ રૂપ જોઈને દંગ રહી જશો

આ પણ વાંચો:  સ્ટેચ્યુ ઓફ યુનિટી જવાનું પ્લાનિંગ કરો છો? તો ટિકિટના ભાવથી લઈને પહોંચવા સુધીની A to Z માહિતી જાણો

આ પણ વાંચો:  હજારીબાગ નજીક આવેલા છે આ 3 અદભુત વોટરફોલ, કુદરતી નજારો અને શાંતિ જોઈને મન ખુશ થઈ જશે