Hyderabad News: હૈદરાબાદ શહેરના ચારમિનાર વિસ્તાર સાથે જોડાયેલા સામૂહિક બળાત્કાર (Gangrape)ના કેસમાં પોલીસે 24 વર્ષીય ઈમરાન નામના આરોપીની ધરપકડ કરીને જેલમાં મોકલી દીધો છે. સાથે જ એક સગીર આરોપીને બાળ સુધાર ગૃહમાં મોકલવામાં આવ્યો છે. ત્રીજો આરોપી હજુ પણ ફરાર છે અને તેની શોધખોળ પોલીસ દ્વારા કરવામાં આવી રહી છે.
મિત્રતામાં ફસાવાઈ ધોરણ 8ની વિદ્યાર્થિની સાથે બળાત્કાર (Gangrape)
પીડિતા ધોરણ 8માં અભ્યાસ કરતી વિદ્યાર્થિની છે. પોલીસ સૂત્રોના જણાવ્યા મુજબ, તે ધરપકડ કરાયેલા સગીરને પહેલાથી ઓળખતી હતી. સગીર ચારમિનાર વિસ્તારમાં ફૂટવેરની દુકાનમાં સેલ્સમેન તરીકે કામ કરતો હતો. 7 ફેબ્રુઆરીએ બંનેની પ્રથમ મુલાકાત થઈ હતી અને ત્યારબાદ તેઓ ફોન પર સંપર્કમાં રહ્યા હતા. 16 ફેબ્રુઆરીએ વિદ્યાર્થિની શાળા પૂર્ણ થયા પછી તેને મળવા મદીના વિસ્તારમાં ગઈ હતી. ત્યાં જ વિદ્યાર્થિની સાથે ત્રણ દુષ્કર્મી દ્વારા બળાત્કાર (Gangrape)કરવામાં આવ્યું હતું.
ઘટનાની પ્રાથમિક તપાસમાં
પ્રાથમિક તપાસ મુજબ, આરોપીઓએ મિત્રતાનો વિશ્વાસ જીત્યા બાદ વિદ્યાર્થિનીને મળવા બોલાવી હતી. પોલીસ હાલ સમગ્ર ઘટના ક્રમની વિગતવાર તપાસ કરી રહી છે. આ કેસમાં ત્રીજો આરોપી ફરાર છે અને તેની ધરપકડ માટે ટીમો બનાવવામાં આવી છે. CCTV ફૂટેજ અને મોબાઈલ કોલ ડિટેલ્સના આધારે તપાસ આગળ વધી રહી છે.
પોલીસની કાર્યવાહી
પોલીસે તરત જ કાર્યવાહી કરીને મુખ્ય આરોપી ઈમરાનને કસ્ટડીમાં લીધો અને કોર્ટમાં રજૂ કર્યા બાદ જેલમાં મોકલી દીધો. સગીર હોવાને કારણે તેને કાયદા મુજબ બાળ સુધાર ગૃહમાં મોકલવામાં આવ્યો છે. પોલીસ અધિકારીઓએ જણાવ્યું છે કે પીડિતાના નિવેદન અને ફોરેન્સિક પુરાવાઓના આધારે કડક કાયદેસર કાર્યવાહી કરવામાં આવશે.
કાનૂની પ્રક્રિયામાં
આ કેસમાં પોક્સો અધિનિયમ હેઠળ ગુનો નોંધવામાં આવ્યો છે. નિષ્ણાતો માને છે કે સગીર બાળકોને ઓનલાઈન અને ઓફલાઈન મિત્રતા અંગે વધુ જાગૃત કરવાની જરૂર છે.
આ પણ વાંચો:છત્તીસગઢ હાઈકોર્ટનો ચુકાદો: પ્રવેશ વિના સ્ખલન બળાત્કાર નહીં, પરંતુ પ્રયાસ
આ પણ વાંચો:ગુજરાત પોલીસનો મોટો નિર્ણય! બળાત્કાર અને POCSO કેસમાં 60 દિવસમાં ચાર્જશીટ ફરજિયાત
