છેલ્લા કેટલાક દિવસોથી ફરાર હતા તે મુંબઈના ભૂતપૂર્વ પોલીસ કમિશનર ગુરુવારે સવારે ચંદીગઢથી મુંબઈ પહોંચી ગયા છે. પહોંચ્યા પછી તેણે કહ્યું કે હું અહીં તપાસમાં સહકાર આપવા આવ્યો છું અને મને ન્યાયતંત્રમાં પૂરો વિશ્વાસ છે. ઉલ્લેખનીય છે કે, સિંહને મુંબઈની એક કોર્ટે ફરાર જાહેર કર્યા હતા. તે મહારાષ્ટ્રમાં વસુલીના અનેક કેસોમાં આરોપોનો સામનો કરી રહ્યો છે.
ઉલ્લેખનીય છે કે, સુપ્રીમ કોર્ટના દબાણ બાદ મુંબઈના પૂર્વ પોલીસ કમિશનર પરમબીર સિંહે બુધવારે ખુલાસો કર્યો હતો કે તેઓ ચંદીગઢમાં છે અને ટૂંક સમયમાં મુંબઈ જવાના છે. તેમણે કહ્યું હતું કે મારો જીવ જોખમમાં છે એટલા માટે હું અહીં છું. જ્યારે પોલીસ અને કોર્ટ સમક્ષ આત્મસમર્પણના પ્રશ્ન પર, તેમણે કહ્યું હતું કે મેં મારા આગળના પગલા વિશે હજી નક્કી કર્યું નથી. જો કે હવે તે તપાસમાં સહકાર આપવા મુંબઈ પહોંચી ગયા છે. IPS ઓફિસર પરમ બીર સિંહ બુધવારે સાંજે ટેલિગ્રામમાં જોવા મળ્યા હતા. જોકે, બાદમાં તેમણે સોશિયલ મેસેજિંગ એપ પરથી પોતાનું એકાઉન્ટ ડિલીટ કરી દીધું હતું. સિંઘે મુંબઈ પોલીસ કમિશનરના પદ પરથી ટ્રાન્સફર અને મહારાષ્ટ્રના તત્કાલિન ગૃહ પ્રધાન અનિલ દેશમુખ સામેના ભ્રષ્ટાચારના આરોપોને પગલે આ વર્ષના મે મહિનાથી કામ નથી કર્યુ.
સુપ્રીમ કોર્ટે પરમબીર સિંહને તપાસમાં સહકાર આપવા કહ્યું છે. હાલ પૂરતું, કોર્ટે પરમબીર સિંહની ધરપકડ પર રોક લગાવી દીધી છે અને તેમને સમગ્ર કેસની તપાસ દરમિયાન સહકાર આપવાનો નિર્દેશ આપ્યો છે. કોર્ટમાં તેમના વકીલે કહ્યું કે પરમબીર સિંહને સમગ્ર મામલામાં ફસાવવામાં આવી રહ્યા છે. તેમણે જેમને ભ્રષ્ટાચાર બદલ સજા કરી એ જ અધિકારીઓ આજે ફરિયાદી બન્યા છે. તેની સામે અત્યાર સુધીમાં છ કેસ નોંધાયા છે.
