રાજકોટ જિલ્લામાં એક દુખદ અકસ્માત સર્જાયો છે. ગુરુવારે જિલ્લાના દોલાસા ગામે ઘરે રમતા પાણીની ટાંકીમાં પડી જતા બે જોડિયા છોકરીઓના મોત નીપજ્યાં હતાં. ઘટના સમયે માતા ઘરે કામ કરતી હતી. ટાંકીનું ખુલ્લું હોવાથી છોકરીઓ ટાંકીમાં પડી ગઈ હતી.
મળતી માહિતી મુજબ વિપુલભાઇ તેની પત્ની કિરણબેન અને ત્રણ પુત્રી સાથે દોલાસા ગામે રહે છે. પોલીસ દ્વારા કરવામાં આવેલી પ્રાથમિક તપાસ મુજબ વિપુલભાઇને બે જુવાન પુત્રી નિષ્ઠા અને નિહારિકા, બંને જોડિયા છે અને ત્રણ વર્ષની છે. વિપુલભાઇએ પોલીસને જણાવ્યું હતું કે લોકડાઉન બાદથી તે પોતાના પરિવાર સાથે પૈતૃક ગામમાં રહે છે.
દીપાવલીને કારણે તેની પત્ની કિરણ ગુરુવારે ઘરની સફાઇ કરી રહી હતી. આ દરમિયાન તેની બંને પુત્રીઓ ઘરે રમી રહી હતી. ખબર જ ના રહી કે ક્યારે તે બંને રમતા રમતા પાણીની ટાંકીમાં પડી ગઈ. તેની પત્નીને ખબર પડે ત્યાં સુધીમાં ખૂબ મોડું થઈ ગયું છે. બંને છોકરીઓને તાત્કાલિક હોસ્પિટલમાં ખસેડાઈ હતી. જ્યાં તેને મૃત જાહેર કરવામાં અવી હતી.
પોલીસે જણાવ્યું કે છોકરીઓનું પોસ્ટમોર્ટમ કરવામાં આવ્યું છે. પાણીમાં ડૂબી જવાથી બંનેના મોત નીપજ્યા છે. હાલ અકસ્માતે કેસ નોંધીને આગળની કાર્યવાહી શરૂ કરી છે.
