કોરોના રોગચાળાને કારણે વિશ્વમાં ભયંકર તબાબી સર્જાઇ છે. જ્યારે આ રોગથી લાખો લોકોની નોકરી છીનવાઈ ગઈ છે, તો બીજી તરફ, આ રોગને લીધે, લાખો લોકોએ જીવ ગુમાવ્યો, પરંતુ શું તમે ક્યારેય એવું સાંભળ્યું છે કે એક માતા વિશ્વને સંતુલિત કરવા માટે તેના પોતાના જ બાળકની હત્યા કરી શકે? આ સાંભળીને તમને આશ્ચર્ય થયું હશે.
ખરેખર આ કેસ પશ્ચિમ લંડનમાં રહેતી મહિલા વકીલ સાથે સંબંધિત છે. 40 વર્ષીય મહિલા વકીલ (ઓલ્ગા) માનસિક મુશ્કેલીઓ સામે સંઘર્ષ કરી રહી હતી. પરંતુ લોકડાઉનના દિવસોમાં યોગ્ય સારવાર ન મળવાને કારણે તે માનસિક રીતે વધુ ખરાબ થઇ ગઇ. પરિણામે તેણે આવું પગલું ભર્યું જેના વિશે દરેક સ્તબ્ધ થઈ જશે.
આંધ્રપ્રદેશમાં ભયાનક માર્ગ અકસ્માત, 13 લોકોનો થયા મોત
લોકડાઉનમાં યોગ્ય સારવાર ન મળવાના કારણે મહિલા વકીલ ઓલ્ગાની હાલત એટલી ખરાબ થઈ ગઈ કે તેણે પોતાના જ પુત્રની હત્યા કરી દીધી. ઓલ્ગાનો પુત્ર (ડિલ્લન) એક ખાસ બાળક હતો. જેના કારણે તેને 24 કલાક તેને સંભાળની જરૂર હતી. આ બાળકના મૃત્યુના થોડા સમય પહેલા જ ઓલ્ગાનો એક ઓડિયો પણ વાયરલ થઈ રહ્યો છે. આ ઓડિયોમાં તે કહેતા સાંભળી શકાય છે કે ‘આ મારું કામ છે. દુનિયામાં સંતુલન બનાવવા માટે મારે મારા પુત્રનું બલિદાન આપવું પડશે. ‘ ડિલ્લોનની હત્યા કર્યા પછી ઓલ્ગાએ પોતાને જ પોલીસ સમક્ષ આત્મસમર્પણ કર્યું.
ઓલ્ગાના પતિ ડીન ફ્રીમેન સ્પેનમાં હતા જ્યારે તેમના પુત્ર 10-વર્ષીય ડિલોન ફ્રીમેનનું અવસાન થયું. જો કે, ઓલ્ગાની સ્થિતિ જોતાં તેણીને હોસ્પિટલમાં દાખલ કરવામાં આવી છે. આ સમગ્ર મામલે મનોચિકિત્સક ડૉ. માર્ટિન લોકે જણાવ્યું હતું કે છેલ્લા ઘણા દિવસોથી તે ડિપ્રેશન અને બેચેની સાથે સંઘર્ષ કરી રહી હતી. કોરોના રોગચાળાને લીધે તેને યોગ્ય સારવાર મેળવી શકી નહીં. જેના કારણે તેની હાલત કફોડી બની હતી.
આ સાથે ડિલ્લનની સ્કૂલ પણ બંધ હતી જેના કારણે ઓલ્ગાની હાલત વધુ ખરાબ થઇ હતી અને જેના કારણે તેણે આવું પગલું ભર્યું હતું. ઓલ્ગાના અહેવાલો અનુસાર, ઓલ્ગાની હાલત એટલી ખરાબ થઈ ગઈ હતી કે તેણે વસ્તુઓ ભૂલી જવાનું શરૂ કરી દીધું હતું, મીડિયા સાથે વાત કરતાં ઓલ્ગાના પતિ ડીને કહ્યું છે કે મારો પુત્ર ખૂબ જ સ્વીટ હતો. હું તેને ખૂબ યાદ કરું છું અને આ સમયે હું મારી લાગણીઓને શબ્દોમાં વર્ણવી શકતો નથી.
