National Weather Monsoon Rain Updates: ભારતમાં ચોમાસું હવે ખૂબ જ ઝડપથી આગળ વધી રહ્યું છે અને તેની વ્યાપક અસર દેશના ખૂણે-ખૂણે જોવા મળી રહી છે. ભારતીય હવામાન વિભાગે (IMD) આગામી 24 કલાકની અંદર દેશના 19 રાજ્યોમાં વાવાઝોડા, તેજ પવન અને ગાજવીજ સાથે ભારેથી અતિભારે વરસાદનું રેડ અને ઓરેન્જ એલર્ટ જાહેર કર્યું છે. આ દરમિયાન કેટલાક રાજ્યોમાં 60 કિલોમીટર પ્રતિ કલાકની ઝડપે તોફાની પવન ફૂંકાવાની પણ આશંકા છે. મહારાષ્ટ્રની રાજધાની મુંબઈથી લઈને પૂર્વોત્તરના અરુણાચલ પ્રદેશ સુધી મુશળધાર વરસાદને કારણે પૂર જેવી સ્થિતિ સર્જાઈ છે.

ગુજરાત અને અન્ય રાજ્યોમાં ચોમાસાની પ્રગતિ

ચોમાસાની(Rain) સિસ્ટમ આગામી બે-ત્રણ દિવસમાં ગુજરાત અને મધ્ય પ્રદેશના બાકીના ભાગો, છત્તીસગઢ, ઝારખંડ, બિહાર અને ઉત્તર પ્રદેશના વધુ કેટલાક વિસ્તારોમાં આગળ વધશે. જે 19 રાજ્યોમાં એલર્ટ જાહેર કરાયું છે તેમાં દિલ્હી-એનસીઆર, ઉત્તર પ્રદેશ, બિહાર, મહારાષ્ટ્ર, ગુજરાત, ઉત્તરાખંડ, હિમાચલ પ્રદેશ, છત્તીસગઢ, ઝારખંડ, પંજાબ, પશ્ચિમ બંગાળ, ઓડિશા, અસામ, અરુણાચલ પ્રદેશ, સિક્કિમ, આંધ્ર પ્રદેશ, કર્ણાટક, તમિલનાડુ અને કેરળનો સમાવેશ થાય છે.

Advance of Southwest Monsoon 2026 :

❖ The Southwest Monsoon has further advanced into some parts of Northeast Arabian Sea, Gujarat & Madhya Pradesh, remaining parts of Maharashtra, and some more parts of Chhattisgarh & Jharkhand, today the 24th June, 2026.
❖ The Northern… pic.twitter.com/FOYIr3xLuY

— India Meteorological Department (@Indiametdept) June 24, 2026

મુખ્ય રાજ્યોમાં હવામાનની સ્થિતિ અને Rain ની આગાહી

ગુજરાત: દક્ષિણ-પશ્ચિમ ચોમાસું(Rain) ગુજરાતમાં સત્તાવાર રીતે પ્રવેશીને સુરત સુધી પહોંચી ગયું છે. આગામી 24 કલાક દરમિયાન દક્ષિણ ગુજરાતના ભાગોમાં ભારે વરસાદની સંભાવના છે. આ દરમિયાન વીજળીના કડાકા-ભડાકા સાથે 50 કિલોમીટર પ્રતિ કલાકની ઝડપે પવન ફૂંકાશે, જેનાથી ઉત્તર ગુજરાત અને સૌરાષ્ટ્રના લોકોને પણ ગરમીથી રાહત મળશે.

મહારાષ્ટ્ર: મહારાષ્ટ્રમાં ચોમાસું પૂરી તાકાતથી સક્રિય થઈ ગયું છે. મુંબઈ અને પાલઘર માટે ભારે વરસાદનું ‘ઓરેન્જ એલર્ટ’ જાહેર કરાયું છે. મુંબઈ, ઠાણે, રાયગઢ અને સિંધુદુર્ગમાં 60 કિમીની ઝડપે ફૂંકાતા પવન અને વીજળીના કડાકા સાથે મુશળધાર વરસાદની ચેતવણી અપાઈ છે.

દિલ્હી-એનસીઆર: દિલ્હી-એનસીઆરમાં હાલ ગરમી અને ઉકળાટ છે, પરંતુ 25 થી 29 જૂન દરમિયાન હવામાન પલટાશે. આ આખા અઠવાડિયામાં તાપમાન 40 ડિગ્રીથી નીચે રહેશે. 26 અને 27 જૂને ગાજવીજ સાથે સારો વરસાદ પડશે, જ્યારે 29 જૂને ફરી એકવાર જોરદાર વરસાદી ઝાપટાં ઉકળાટથી રાહત આપશે.

ઉત્તર પ્રદેશ અને બિહાર: યુપીમાં 50 કિમીની ઝડપે પવન ફૂંકાવાની સાથે બુલંદશહર, આગ્રા, કાનપુર, વારાણસી, ગોરખપુર અને પ્રયાગરાજ સહિતના વિસ્તારોમાં ભારે વરસાદનું ‘યલો એલર્ટ’ છે. જ્યારે બિહારમાં ૫૫ કિમીની ઝડપે પવન સાથે મુઝફ્ફરપુર, ગયા, પૂર્ણીયા અને ભાગલપુર સહિતના જિલ્લાઓમાં ભારે આંધળી-તોફાનની ચેતવણી છે.

રાજસ્થાન: શ્રીગંગાનગર, હનુમાનગઢ, ચુરુ અને બીકાનેરમાં આંતરિક વાવાઝોડું અને વરસાદનું(Rain) ‘ઓરેન્જ એલર્ટ’ છે, જ્યારે જયપુર, જોધપુર અને અજમેર માટે ‘યલો એલર્ટ’ જાહેર કરાયું છે.

અરુણાચલ પ્રદેશ અને આસામ: પૂર્વોત્તર ભારતમાં સ્થિતિ વધુ ચિંતાજનક છે. અરુણાચલના લોઅર સુબનસિરી જિલ્લામાં ભારે વરસાદને(Rain) કારણે ફ્લેશ ફ્લડ (અચાનક પૂર) ની સ્થિતિ સર્જાઈ છે, જેને પગલે આસામ સરકારે હાઈ એલર્ટ જાહેર કર્યું છે. નીચલા વિસ્તારોમાં નદીઓનું જળસ્તર ઝડપથી વધી રહ્યું છે.

દેશના મુખ્ય શહેરોનું તાપમાન (25 જૂન 2026 ના રોજ)

આ પણ વાંચો : હવામાનમાં વધી રહી છે અનિશ્ચિતતા ચોમાસું મોડું, વરસાદ અસમાન; જલવાયુ પરિવર્તનની સીધી અસર

આ પણ વાંચો :નાસાએ આપી સૌથી ખતરનાક અલ નીનોની ચેતવણી, ભારતના ચોમાસા અને અર્થતંત્ર પર મંડરાયું સંકટ!

આ પણ વાંચો :13 દિવસની રાહ બાદ મુંબઈમાં ચોમાસાનું આગમન, ધોધમાર વરસાદથી ગરમીથી રાહત