પાકિસ્તાનની રાજનીતિમાં આજનો દિવસ મહત્વનો છે. દેશના નવા પીએમની પસંદગી કરવા માટે વિપક્ષી પાર્ટીઓના નેતાઓ નેશનલ એસેમ્બલીમાં પહોંચવા લાગ્યા છે. વિપક્ષ દ્વારા શાહબાઝ શરીફની પીએમ તરીકેની પસંદગી એક રીતે નક્કી છે. આ દરમિયાન પાકિસ્તાનના રાજકારણમાંથી મોટા સમાચાર આવી રહ્યા છે. ઈમરાન ખાને સંસદમાં આપેલા રાજીનામાની જાહેરાત કરી છે. તેમણે કહ્યું કે તેઓ નેશનલ એસેમ્બલીમાં ચોરો સાથે નહીં બેસે.
ઈમરાન ખાનની અધ્યક્ષતામાં મળેલી પાકિસ્તાન તહરીક-એ-ઈન્સાફની સંસદીય દળની બેઠકમાં નિર્ણય લેવામાં આવ્યો હતો કે નેશનલ એસેમ્બલીના પીટીઆઈના તમામ સભ્યો આજે રાજીનામું આપશે. આ દરમિયાન ઈમરાન ખાને વિપક્ષને ચોર ગણાવ્યા અને કહ્યું કે તેઓ સંસદમાં ચોરો સાથે નહીં બેસે. બીજી તરફ નવાઝ શરીફની પુત્રી અને પીએમએલ-એન નેતા મરિયમ નવાઝે કહ્યું છે કે અમે વળતરમાં વિશ્વાસ નથી કરતા પરંતુ અમે ચોક્કસ હિસાબ લઈશું.
આપને જણાવી દઈએ કે સંયુક્ત વિપક્ષે અવિશ્વાસ પ્રસ્તાવ દ્વારા ઈમરાન ખાનને સત્તા પરથી હટાવ્યા બાદ સોમવારે પાકિસ્તાનના વિપક્ષના નેતા શાહબાઝ શરીફને પાકિસ્તાનના નવા વડાપ્રધાન તરીકે પસંદ કરવામાં આવે તેવું માનવામાં આવે છે. વડાપ્રધાનની પસંદગી માટે સોમવારે પાકિસ્તાનની નેશનલ એસેમ્બલીનું સત્ર બોલાવવામાં આવશે. ઈમરાન ખાનને અવિશ્વાસ મત દ્વારા પદ પરથી હટાવ્યા બાદ ગૃહના નવા નેતાની પસંદગીની પ્રક્રિયા રવિવારે શરૂ થઈ હતી. ગૃહનો વિશ્વાસ ગુમાવ્યા પછી,ઈમરાન ખાન દેશના ઇતિહાસમાં અવિશ્વાસ પ્રસ્તાવ દ્વારા પદ પરથી હટાવવામાં આવેલા પ્રથમ વડાપ્રધાન બન્યા છે.
આ પણ વાંચો : પાકિસ્તાનમાં પણ લાગ્યા ‘ચોકીદાર ચોર હૈ’ના નારા,જાણો કેમ…
આ પણ વાંચો :શાહબાજ શરીફ આજે બનશે પાકિસ્તાનના નવા વડાપ્રધાન,શપથ પહેલા મની લોન્ડરિંગના કેસમાં કોર્ટમાં હાજર થશે
આ પણ વાંચો : ‘કેપ્ટન’ ઈમરાન ખાન બાદ હવે રમીઝ રાજાનો વારો છે, PCBના અધ્યક્ષ પદેથી આપી શકે છે રાજીનામું
આ પણ વાંચો :યુક્રેનને જીતવવા માટે પુતિનને લીધો આ નિર્ણય,આ કમાન્ડરને સોંપી જવાબદારી,જાણો
